மாவீரன்: முக்கிய கதாபாத்திரத்தில் குக் வித் கோமாளி பிரபலம்!

குக் வித் கோமாளி நிகழ்ச்சியில் கோமாளியாக பங்கேற்று வரும் மோனிஷா மாவீரன் படத்தில் முக்கிய கதாபாத்திரத்தில் நடித்துள்ளார்.

மண்டேலா திரைப்படத்தின் இயக்குநர் மடோன் அஷ்வின் இயக்கத்தில் மாவீரன் திரைப்படம் உருவாகியுள்ளது. சிவகார்த்திகேயன் - அதீதி ஷங்கர் நடிப்பில் உருவாகியுள்ள இந்த திரைப்படத்தின் படப்பிடிப்பு நிறைவடைந்து ஜூலை 14 ஆம் தேதி வெளியாகவுள்ளது.

மேலும், இப்படத்தில் சரிதா, இயக்குனர் மிஷ்கின், யோகி பாபு உள்ளிட்ட பலரும் முக்கிய கதாபாத்திரங்களில் நடித்துள்ளனர். சாந்தி டாக்கீஸ் நிறுவனம் தயாரிக்கும் இப்படத்தை தமிழகமெங்கும் ரெட் ஜெயண்ட் நிறுவனம் வெளியிடுகின்றனர்.

தமிழ், தெலுங்கு ஆகிய 2 மொழிகளில் தயாராகியுள்ள இந்தப் படத்துக்கு பரத் ஷங்கர் இசையமைத்துள்ளார். சமீபத்தில் இப்படத்தின் டிரைலர் வெளியாகி ரசிகர்களிடையே பெரிய வரவேற்பைப் பெற்றது.

இந்நிலையில், குக் வித் கோமாளி நிகழ்ச்சியில் கோமாளியாக பங்கேற்று வரும் மோனிஷா மாவீரன் படத்தில் சிவகார்த்திகேயனுக்கு தங்கையாக நடித்துள்ளார். மோனிஷாவுக்கு அவரது ரசிகர்கள் சமூக ஊடகங்களில் வாழ்த்துக்களை தெரிவித்து வருகின்றனர்.

இதையும் படிக்க: காதர்பாட்சா என்ற முத்துராமலிங்கம்: ஓடிடி வெளியீட்டுத் தேதி அறிவிப்பு!

விஜய் டிவியில் ஒளிப்பரப்பான கலக்க போவது யாரு சீசன் 8-ல் மோனிஷா பங்கேற்று பிரபலமடைந்தார் என்பது குறிப்பிடத்தக்கது.