சுந்தரி சீரியல் நடிகர் அரவிஷுக்கும், திருமகள் தொடரில் நடித்த ஹரிகாவுக்கும் நிச்சயதார்த்தம் நடைபெறவுள்ளது.
சுந்தரி சீரியலில் கிருஷ்ணா கதாபாத்திரத்தின் மூலம் பிரபலமானவர் நடிகர் அரவிஷ். இவர் சுந்தரி தொடரின் முதல் பாகத்தை தொடர்ந்து, இரண்டாம் பாகத்திலும் நடித்து வருகிறார். கோயம்புத்தூரை சேர்ந்தவரான அரவிஷ், இலக்கியா தொடரிலும் நடித்து வருகிறார்.
அதேபோல், சன் டிவியில் ஒளிபரப்பான திருமகள் தொடரில் கதாநாயகியாக நடித்தவர் ஹரிகா. இவர்கள் இருவரும் காதலித்து வந்த நிலையில், இரு வீட்டார் சம்மதத்துடன் இருவருக்கும் நவ.19 ஆம் தேதி நிச்சயதார்த்தம் நடைபெறவுள்ளது.
இணைந்து நடிக்கும் சின்னத்திரை நடிகர், நடிகைகள் திருமணம் செய்துகொள்வது இயல்பாகி விட்ட நிலையில், மதன் - ரேஷ்மா ஆரியன் - ஹபானா, சித்து - ஸ்ரேயா, சஞ்சீவ் - ஆல்யா மானசா போன்ற பிரபலங்களின் பட்டியலில் இவர்களும் தற்போது இணைந்துள்ளனர்.
இதையும் படிக்க: வலுக்கும் சண்டை: பரபரப்பில் பிக்பாஸ்!
தற்போது, இந்த தகவல் சமூக ஊடகங்களில் வைரலாகி வருகிறது. சின்னத்திரை ரசிகர்கள் இவர்களுக்கு வாழ்த்துகளை தெரிவித்து வருகின்றனர்.