ஒளிபரப்பான முதல் வாரத்திலேயே டாப் 5 பட்டியலில் சிங்கப் பெண்ணே!

சிங்கப் பெண்ணே தொடர், ஒளிபரப்பான முதல் வாரத்திலேயே டாப் 5 தொடர்களில் ஒன்றாக இணைந்துள்ளது. 

சன் தொலைக்காட்சியில் அக்டோபர் 9ஆம் தேதிமுதல் சிங்கப் பெண்ணே தொடர் இரவு 8 மணிக்கு ஒளிபரப்பாகி வருகிறது. இந்தத் தொடரில் நடிகை மணீஷா மகேஷ்  முதன்மை பாத்திரத்தில் நடித்து வருகிறார். கிராமத்தில் சுட்டித்தனங்கள் செய்யும் குறும்புக்கார பெண்ணாக அவர் பாத்திரம் வடிவமைக்கப்பட்டுள்ளது.

சன் தொலைக்காட்சியில் இரவு நேரத்தில் ஒளிபரப்பாகும் தொடர்களில் நீண்ட இடைவேளைக்குப் பிறகு கிராமத்துப் பிண்ணனியை மையமாக வைத்து தொடர் எடுக்கப்படுகிறது. (எல்லா தொடர்களும் ஆரம்பத்தில் கிராமத்தில் தொடங்கினாலும், பின்னர் நகரத்து பின்னணியிலேயே ஒளிபரப்பாகின்றன.)

படிக்க | மீண்டும் முதலிடத்தில் பாண்டியன் ஸ்டோர்ஸ் தொடர்!

இந்தத் தொடரை இயக்குநர் தனுஷ் இயக்குகிறார். இவர் இதற்கு முன்பு வெற்றிகரமாக ஓடிய கண்ணான கண்ணே தொடரை இயக்கியவர். 

இந்தத் தொடர் ஒளிபரப்பான முதல் வாரத்தில் மக்களிடம் நல்ல வரவேற்பைப் பெற்றது. சின்னத் திரை தொடர்களுக்கான டிஆர்பி பட்டியலில் முதல் வாரத்திலேயே 10.28 புள்ளிகளைப் பெற்று டாப் 5 இடங்களில் ஒன்றாக மாறியுள்ளது. 

டிஆர்பி பட்டியலில் எதிர்நீச்சல் தொடர் முதலிடத்திலும், கயல் தொடர் இரண்டாமிடத்திலும் உள்ளது.

படிக்க | சிறகடிக்க ஆசை தொடருக்கு முதலிடம்! இது இன்னொரு எதிர்நீச்சல்!!