ரஜினி படத்தில் செந்தில்!

ரஜினிகாந்த்தின் புதிய படத்தில் பிரபல நகைச்சுவை நடிகர் செந்தில் நடிக்க உள்ளதாக தகவல் வெளியாகியுள்ளது. 

நடிகர் ரஜினிகாந்த் தற்போது ஜெயிலர் படத்தில் நடித்து வருகிறார். இதைத் தொடர்ந்து அவருடைய 170-வது படத்தை ஜெய்பீம் இயக்குநர் த.செ.ஞானவேல் இயக்க உள்ளதாக அதிகாரப்பூர்வமாக அறிவிக்கப்பட்டுள்ளது.

மேலும், ஐஸ்வர்யா ரஜினிகாந்த் இயக்கும் ’லால் சலாம்’ படத்திலும் சிறப்பு தோற்றத்தில் ரஜினி நடிக்க உள்ளார். இந்தப் படத்தை லைகா நிறுவனம் தயாரிக்கிறது. 

இதையும் படிக்க: இறுதிக்கட்டத்தில் ‘தங்கலான்’ படப்பிடிப்பு

இந்நிலையில், லால் சலாம் படப்பிடிப்பில் பிரபல நகைச்சுவை நடிகர் செந்தில் இணைந்துள்ளதாக தகவல் வெளியாகியுள்ளது. 

படையப்பா படத்தில் இடம்பெற்ற ரஜினி - செந்தில் நகைச்சுவைக் காட்சி இன்றும் ரசிக்கப்பட்டு வருகிறது. இப்படத்தில் மீண்டும் இருவரும் இணைந்துள்ளதால் எதிர்பார்ப்பு ஏற்பட்டுள்ளது.

லால் சலாம் படத்தில் விஷ்ணு விஷால், விக்ராந்த் நாயகர்களாக நடிக்கின்றனர். இசை- ஏ.ஆர்.ரஹ்மான். கிரிக்கெட் சம்பந்தப்பட்ட படமாக உருவாகிறது.