செய்தி மடல்
இ-பேப்பர்
அமெரிக்க முன்னாள் அதிபர் ஒபாமா இந்தியத் திரைப்படமான ‘ஆல் வி இமேஜின் அஸ் லைட்' படத்தைத் தனது விருப்பப் பட்டியலில் குறிப்பிட்டுள்ளார்.
அமெரிக்க முன்னாள் அதிபர் பராக் ஒபாமா, ஆண்டுதோறும் தனக்குப் பிடித்த பாடல்கள், புத்தகங்கள் மற்றும் திரைப்படங்களைப் பட்டியலிட்டு சமூக வலைதளங்களில் பகிர்ந்துகொள்வார்.
இந்த ஆண்டும் அதுபோல தனக்குப் பிடித்தப் படங்களாக அவர் வெளியிட்டப் பட்டியலில் இந்தியத் திரைப்படமான ‘ஆல் வி இமேஜின் அஸ் லைட்' படத்தைக் குறிப்பிட்டுள்ளார்.
மும்பையைச் சேர்ந்த பாயல் கபாடியா இயக்கிய இந்தத் திரைப்படம் உண்மை சம்பவத்தை அடிப்படையாகக் கொண்டு எடுக்கப்பட்டு, நவ. 22ஆம் தேதி இந்தியா முழுவதும் வெளியானது.
இப்படத்தில் கனி குஸ்ருதி, திவ்யா பிரபா, சாயா கதம், ஹ்ருது ஹாரூன் உள்ளிட்டோர் நடித்துள்ளனர்.
இந்தோ-பிரெஞ்சு கூட்டுத் தயாரிப்பாக உருவான இப்படம் பிரான்ஸில் நடைபெற்ற 77-வது கான் திரைப்பட விழாவில் திரையிடப்பட்டு உயரிய விருதான கிராண்ட் பிரிக்ஸ் விருதை 'ஆல் வி இமேஜின் அஸ் லைட்' படம் வென்றது.
மேலும், சிறந்த இயக்குநர், சிறந்த வெளிநாட்டுத் திரைப்படம் ஆகிய இரு பிரிவுகளில் கோல்டன் குளோப் விருதுக்கு பரிந்துரை செய்யப்பட்டுள்ளது குறிப்பிடத்தக்கது.
மும்பையில் செவிலியராகப் பணியாற்றும் கேரளத்தைச் சேர்ந்த பெண்களின் வாழ்க்கையைப் பேசும் இந்தப் படம் பெரியளவில் கவனம் பெற்றதைத் தொடர்ந்து அமெரிக்க முன்னாள் அதிபர் ஒபாமாவின் விருப்பப் பட்டியலிலும் இருப்பது இந்திய சினிமா ரசிகர்களால் கொண்டாடப்பட்டு வருகின்றது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
