மிரட்டலான தோற்றம்.. சூர்யா - 44 கிளிம்ஸ்!

கார்த்திக் சுப்புராஜ் இயக்கத்தில் உருவாகிவரும் சூர்யா 44 படத்தின் கிளிம்ஸ் வெளியாகியுள்ளது.

நடிகர் சூர்யா இயக்குநர் கார்த்திக் சுப்புராஜ் இயக்கத்தில் தன் 44வது படத்தில் நடித்து வருகிறார். இப்படத்தின் முதல்கட்ட படப்பிடிப்பு அந்தமானில் துவங்கி முடிந்தது.

இப்படத்தை சூர்யாவின் 2டி மற்றும் கார்த்திக் சுப்புராஜின் ஸ்டோன் பென்ச் நிறுவனம் இணைந்து தயாரிக்கின்றன. இசையமைப்பாளர் சந்தோஷ் நாராயணன் இசையமைக்கிறார்.

இந்த நிலையில், சூர்யாவின் பிறந்த நாளான இன்று சூர்யா - 44 படத்தின் கிளிம்ஸ் விடியோவை தயாரிப்பு நிறுவனம் வெளியிட்டுள்ளது. சிகரெட் புகைத்தபடி, சூர்யா நடந்து வரும் காட்சி ரசிகர்களிடையே வரவேற்பைப் பெற்றுள்ளது.

மேலும், விரைவில் படத்தின் பெயர் டீசர் வெளியாகும் என்றும் அறிவித்துள்ளனர்.