ரோமியோ டிரைலர்!

இசையமைப்பாளரும் நடிகருமான விஜய் ஆண்டனி நாயகனாக நல்ல கதைகளைத் தேர்ந்தெடுத்து நடித்து வருகிறார். இறுதியாக, இவர் நடிப்பில் வெளியான பிச்சைக்காரன் 2, கொலை, ரத்தம் ஆகிய படங்கள் சுமாரான வெற்றிகளைப் பெற்றன. 

இதனைத் தொடர்ந்து, விஜய் ஆண்டனி இயக்குநர் விநாயக் வைத்தியநாதன் இயக்கத்தில் ‘ரோமியோ’ என்கிற காதல் படமொன்றில் நடித்து வருகிறார். நாயகியாக மிருணாளினி ரவி நடிக்கிறார்.

இப்படத்தின் போஸ்டர் வெளியாகி கவனம் ஈர்த்த நிலையில், படத்தின் டிரைலரை தயாரிப்பு நிறுவனம் வெளியிட்டுள்ளது.

திருமணத்தில் விருப்பமில்லாத மனைவியைக் காதலிக்கும் கணவனாக விஜய் ஆண்டனி நடித்திருக்கிறார். நகைச்சுவை கலந்த காதல் படமாக உருவான ரோமியோ கோடை வெளியீடாக திரைக்கு வருகிறது.