நடிகர்கள் அஜித் குமார், சுரேஷ் கோபி, லைலா நடிப்பில் கடந்த 2001 ஆம் ஆண்டு வெளியாகி மிகப்பெரிய வெற்றிப்படமானது தீனா. இயக்குநர் ஏ.ஆர்.முருகதாஸின் முதல் படமான தீனா, இன்றும் அஜித் ரசிகர்கள் கொண்டாடும் படங்களில் ஒன்றாகவே நீடிக்கிறது.
இப்படம் வெளியாகி 23 ஆண்டுகள் கடந்த நிலையில், நடிகர் அஜித் பிறந்தநாளை முன்னிட்டு சில திரையரங்குகளில் இன்று மறுவெளியீடு செய்துள்ளனர்.
தீனாவைக் காண ரசிகர்கள் ஆவலாக இருந்ததால் பல திரையரங்குகளில் காலைக் காட்சிகள் ஆரம்பமாகின.
இந்த நிலையில், சென்னை கோயம்பேடு அருகிலிருக்கும் பிரபல திரையரங்கிலும் தீனா வெளியானது. அப்போது, பாடலுக்கு நடனமாடிக்கொண்டிருந்த ரசிகர்களில் ஒருவர் பட்டாசை திரைக்கு அருகேயே பற்ற வைத்திருக்கிறார். சத்ததுடன் அது வெடித்ததால் பலரும் பயத்தில் கூச்சல் எழுப்பினர். தற்போது, இந்த விடியோ வைரலாகி வருகிறது.
முன்னதாக, இதே திரையரங்கில் லியோ படத்தின் டிரைலர் வெளியீட்டின்போது ரசிகர்கள் இருக்கைகளைச் சேதப்படுத்தியது குறிப்பிடத்தக்கது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.
