![ரஷியாவில் குட் பேட் அக்லி படப்பிடிப்பு?](http://media.assettype.com/dinamani%2F2024-05%2F45949c11-24dd-4500-97c0-65f51d4d6c58%2FScreenshot_2024_05_26_125237.png?w=480&auto=format%2Ccompress&fit=max)
நடிகர் அஜித் குமார், இயக்குநர் மகிழ் திருமேனி இயக்கத்தில் விடாமுயற்சி படத்தில் நடித்து வருகிறார். இதன் படப்பிடிப்பு தீவிரமாக நடைபெற்று வருகிறது.
விடாமுயற்சி படத்திற்குப் பின் நடிகர் அஜித், இயக்குநர் ஆதிக் ரவிச்சந்திரன் இயக்கத்தில் மைத்ரி மூவி மேக்கர்ஸ் நிறுவனம் தயாரிக்கும் புதிய படத்தில் இணைந்துள்ளார்.
இப்படத்திற்கு, ‘குட் பேட் அக்லி’ எனப் பெயரிட்டுள்ளனர். இதன், போஸ்டர் வெளியாகி ரசிகர்களிடம் கவனம் பெற்றதுடன் படம் அடுத்தாண்டு பொங்கலுக்கு வெளியாகும் என்றும் தெரிவித்துள்ளனர்.
அதேநேரம், விடாமுயற்சி திரைப்படமும் இந்தாண்டு தீபாவளிக்கு வெளியாகும் என எதிர்பார்க்கப்படுகிறது.
தற்போது, குட் பேட் அக்லியின் படப்பிடிப்பு ஹைதராபாத்தில் நடைபெற்று வருகிறது. இதில் நடிகர் அஜித்தின் காட்சிகள் எடுக்கப்பட்டு வருகின்றன.
இந்த நிலையில், ஹைதராபாத்தில் படப்பிடிப்பு முடிந்ததும் அடுத்தக்கட்ட படப்பிடிப்பு ரஷியாவில் துவங்கும் எனக் கூறப்படுகிறது. அங்கு, நடிகர் அஜித்தின் சண்டைக் காட்சிகள் படமாக்கப்பட உள்ளதாகத் தகவல்.