ஆவேஷம் இயக்குநருடன் இணையும் மோகன்லால்!

ஆவேசம் இயக்குநர் ஜித்து மாதவனின் இயக்கத்தில் நடிகர் மோகன்லால் நடிக்கவுள்ளதாக தகவல்கள் தெரிவிக்கின்றன.

ரோமஞ்சம் படத்தை இயக்கிய ஜித்து மாதவன் ஃபகத் ஃபாசில் நடித்த ஆவேஷம் படத்தின் மூலம் பிரபலமானார். உலகளவில் ரூ.150 கோடி வசூலை தாண்டியது.

நடிகர் ஃபகத் ஃபாசில் நடித்து அதிக வசூலைப் பெற்ற வெற்றிப் படமாக அவருக்கு அமைந்துள்ளது.

இந்த நிலையில், ஜித்து மாதவனிடம் மோகன் லால் கதை கேட்டதாகவும், விரைவில் அடுத்த சந்திப்பு நடைபெறவுள்ளதாகவும் தகவல்கள் தெரிவிக்கின்றன.

இப்படத்தை மோகன்லாலின் ஆஷிர்வாத் சினிமாஸ் நிறுவனம் தயாரிக்கவுள்ளதாக கூறப்படுகிறது.

நடிகர் மோகன்லால் நடிகர் பிருத்விராஜ் சுகுமாரன் இயக்கத்தில் எம்புரான் படத்தில் நடித்து வருகிறார். இதனிடையே, மம்மூட்டியுடன் இணைந்து நடிக்கும் படத்தின் படப்பிடிப்பும் துவங்கியுள்ளது குறிப்பிடத்தக்கது.