புஷ்பா - 2 புதிய இசையமைப்பாளர்!

புஷ்பா - 2 படத்திற்கு இசையமைக்க உள்ளதாக பிரபல இசையமைப்பாளர் தெரிவித்துள்ளார்.

இயக்குநர் சுகுமார் இயக்கத்தில் அல்லு அர்ஜுன் நடிப்பில் உருவான புஷ்பா - 2 திரைப்படத்தை டிசம்பர் 5 ஆம் தேதி உலகளவில் 11,000 திரைகளில் வெளியிட உள்ளனர். படத்தின் டிரைலர் தமிழ், தெலுங்கு, ஹிந்தி, பெங்காலி, மலையாளம் மொழிகளில் வெளியானது.

பெரிய பொருள் செலவில் எடுக்கப்பட்ட படமென்பதால் டிரைலர் காட்சிகள் பிரம்மாண்டமாக இருக்கின்றன. குறிப்பாக, அல்லு அர்ஜுன் மற்றும் ஃபஹத் ஃபாசிலுக்கு இடையேயான வசனங்கள் ரசிகர்களிடம் வைராகியுள்ளது.

இதையும் படிக்க: ஏ.ஆர். ரஹ்மான் எனக்கு தந்தை போன்றவர்! மோகினி டே

இதற்கிடையே, படத்தின் இசையமைப்பாளரான தேவி ஸ்ரீ பிரசாத் படத்திற்கான பின்னணி இசையை அமைப்பதில் தாமதம் காட்டி வருவதாகவும் இதனால் தயாரிப்பு நிறுவனத்துக்கும் அவருக்கும் பிரச்னை ஏற்பட்டுள்ளதாகத் தகவல்கள் வெளியாகின. இதனால், பின்னணி இசையை இசையமைப்பாளர் சாம் சிஎஸ் மேற்கொண்டு வருவதாகக் கூறப்பட்டது.

ஆனால், படத்தின் புரமோஷன் நிகழ்வுகளில் கலந்துகொண்ட தேவி ஸ்ரீ பிரசாத் முழுப்படத்தையும் பார்த்ததைக் குறிப்பிட்டு பாராட்டியிருந்தார்.

இந்த நிலையில், சாம் சிஎஸ் தன் எக்ஸ் பக்கத்தில் புஷ்பா - 2 போஸ்டர் லுக்கை பகிர்ந்துள்ளார். இதன் அர்த்தம், படத்திற்கான பின்னணி இசையை இவர் இசையமைத்துள்ளதாகவே தெரிகிறது.