புதிய வீட்டுக்கு குடியேறிய ஹன்சிகா..!

தமிழில் ‘எங்கேயும் காதல்’, ‘ஒரு கல் ஒரு கண்ணாடி’ படத்தின் மூலம் பிரபலமான நடிகை ஹன்சிகா, அதன்பின் ‘பிரியாணி’, ’சிங்கம் 2’ உள்ளிட்ட படங்களில் நடித்திருந்தார்.

குறுகிய காலத்திலேயே, விஜய், சூர்யா, தனுஷ், சிம்பு போன்ற பிரபலங்களுக்கு ஜோடியாக நடித்திருக்கிறார்.

சமீபத்தில், மை 3 வெப் என்ற வெப் தொடரிலும் நடித்து இருந்தார். கார்டியன் படத்திலும் பேயாக நடித்திருந்தார். இது கலவையான விமர்சனங்களைப் பெற்றது.

தற்போது காந்தாரி எனும் படத்தில் நடித்துள்ளார். ஆர் கண்ணன் தயாரித்து இயக்கியுள்ளார்.

கடந்த 2022 டிசம்பரில் ராஜஸ்தான் கோட்டையில் ஹன்சிகாவுக்கு திருமணம் நடைபெற்றது. தற்போது, மும்பையில் புதிய வீடு ஒன்றினை வாங்கியுள்ளார். அதன் கிரகபிரவேஷம் சமீபத்தில் நடைபெற்றது.

நடிகை ஹன்சிகா அதன் புகைப்படங்களை தனது இன்ஸ்டாகிராம் பக்கத்தில் பதிவிட்டு, “புதிய தொடக்கம்” எனக் கூறியுள்ளார்.