மானமும் அறிவும் மனிதனுக்கு அழகு... சார் டிரைலர்!

நடிகர் விமல் நடிப்பில் உருவான சார் படத்தின் டிரைலர் வெளியாகியுள்ளது.

இயக்குநரும் நடிகருமான போஸ் வெங்கட் இயக்கத்தில் நடிகர் விமல் நடித்துள்ளார். படத்திற்கு மா.பொ.சி (மாங்கொல்லை பொன்னரசன் சிவஞானம்) என்று பெயரிட்டு பின் சார் என பெயர் மாற்றம் செய்துள்ளனர்.

இப்படத்தை எஸ்எஸ்எஸ் பிக்சர்ஸ் நிறுவனம் தயாரிக்கிறது. இயக்குநர் வெற்றிமாறனின் கிராஸ்ரூட் பிலிம் கம்பெனி நிறுவனமும் படத்தின் வெளியீட்டு பொறுப்பில் இணைந்துள்ளது.

படத்தின் படப்பிடிப்பு முடிவடைந்த நிலையில், தற்போது டிரைலரை தயாரிப்பு நிறுவனம் வெளியிட்டுள்ளது. கல்வியின் முக்கியத்துவத்தை பேசும் திரைப்படமாக உருவான இது தமிழ், தெலுங்கு, மலையாளம் மற்றும் கன்னட மொழிகளில் வெளியாகிறது.

நடிகர் போஸ் வெங்கட், ’கன்னிமாடம்’ படத்தின் மூலம் இயக்குநராக அறிமுகமானார். அப்படம் பெரிதாக கவனிக்கப்படவில்லை என்றாலும் சினிமா வட்டாரத்தில் பேசப்பட்டது.