நாம் வென்றுவிட்டோம்..! கிங்டம் வசூல் வேட்டைக்கு விஜய் தேவரகொண்டா நெகிழ்ச்சி!

விஜய் தேவரகொண்டாவின் கிங்டம் திரைப்படம் முதல்நாளில் ரூ.39 கோடி வசூலித்து அசத்தியுள்ளது.

நடிகர் விஜய் தேவரகொண்டா அர்ஜுன் ரெட்டி திரைப்படத்தின் மூலம் இந்திய அளவில் பிரபலமானார். கடைசியாக, இவர் கல்கி 2898 ஏடி எனும் திரைப்படத்தில் அர்ஜுனர் பாத்திரத்தில் நடித்திருந்தார்.

தற்போது, நடிகர் விஜய் தேவரகொண்டா ஜெர்ஸி படத்தின் இயக்குநர் கௌதம் தின்னனுரி இயக்கத்தில் கிங்டம் திரைப்படம் நேற்று (ஜூலை 31) உலகம் முழுவதும் வெளியானது.

மிகுந்த எதிர்பார்ப்புகளுக்கு மத்தியில் வெளியான இந்தப் படம் கலவையான விமர்சனங்களைப் பெற்றன. இருப்பினும் வசூலில் அசத்தியுள்ளது.

உலகம் முழுவதும் முதல்நாளில் ரூ.39 கோடி வசூலித்தது அசத்தியுள்ளது. இதனைப் பகிர்ந்த விஜய் தேவர்கொண்டா, “நாம் வென்றுவிட்டோம்” என தெலுங்கில் நெகிழ்ச்சியாகப் பதிவிட்டுள்ளார்.