செய்தி மடல்
இ-பேப்பர்
பிக் பாஸ் சீசன் 8 நிகழ்ச்சியில் கலந்துகொண்டுள்ள பழைய போட்டியாளர்களுக்கு நடிகர் விஜய் சேதுபதி தக்க பதிலடி கொடுத்துள்ளார்.
பிக் பாஸ் சீசன் 8 நிகழ்ச்சி 13 வாரங்களை நிறைவு செய்துள்ளது. நிகழ்ச்சி முடிய இன்னும் சரியாக 9 நாள்களே உள்ளன.
பிக் பாஸ் வீட்டில் 24 போட்டியாளர்கள் இருந்த நிலையில் தற்போது 8 போட்டியாளர்கள் இருக்கிறார்கள்.
இவர்களில் டிக்கெட் டூ ஃபினாலே வெற்றியின் மூலம் நேரடியாக இறுதிப் போட்டிக்கு ரயான் முன்னேறியுள்ளார். எஞ்சியுள்ள 7 போட்டியாளர்களில் 4 போட்டியாளர்கள் தேர்வு செய்யப்படவுள்ளனர்.
நிகழ்ச்சியை சுவாரசியமாக்கும் வகையில் முன்னாள் போட்டியாளர்களும் களமிறக்கப்பட்டுள்ளனர்.
வார இறுதி நாளில் பிக் பாஸ் போட்டியாளர்களுடன் விஜய் சேதுபதி கலந்துரையாடுவது வழக்கம். அந்தவகையில் இந்த வாரத்தில் பழைய போட்டியாளர்கள் என்னென்ன கூறி உங்கள் ஆட்டத்தை திசைதிருப்பினார்கள் என 8 போட்டியாளர்களிடம் கேட்டார்.
இதற்கு ஜாக்குலின், தீபக், ரயான், முத்துக்குமரன் ஆகியோர் ரவீந்தரைக் குறிப்பிட்டு சுட்டிக்காட்டினர்.
வெளியே இருந்துவிட்டு வந்ததால் என்னுடைய பார்வை எனக் கூறி ஆட்டத்தை திசை திருப்பியதாகவும், பணப்பெட்டியை எடுத்துக்கொண்டு வெளியேறுவது போட்டிக்கு ஆரோக்கியமானது என்றும் ஆட்டத்தை திசை திருப்பியதாக அவர்கள் குற்றம் சாட்டினர்.
இதனால் ரவீந்தரிடம் பேசிய விஜய் சேதுபதி, இவர் பெட்டியை எடுக்க வேண்டும்; இவர் விட்டுக்கொடுக்க வேண்டும் எனக் கூறி ஏன் ஆட்டத்தை திசை திருப்புகிறீர்கள் எனக் கேள்வி கேட்டார்.
வெளியே இருந்துவிட்டு வந்த உங்களுக்கு இது இரண்டாவது வாய்ப்பு, இதனை நீங்கள் பயன்படுத்தி ஆட்டத்தில் எவ்வாறு வெல்வது என கவனம் செலுத்துவதை விட்டு, ஆட்டத்தைக் கெடுப்பது நியாயமா? என ரசிகர்களும் கேள்விகளை எழுப்பி வருகின்றனர்.
இதையும் படிக்க | பிக் பாஸ் 8: முத்துக்குமரனை விமர்சித்த விஜய் சேதுபதி!
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.