சசிகுமார் - ராஜு முருகன் படத்தின் போஸ்டர் அப்டேட்!

இயக்குநர் ராஜு முருகன் - சசிகுமார் படத்தின் முதல் தோற்றப் போஸ்டர் அறிவிப்பு வெளியாகியுள்ளது.

இயக்குநர் ராஜு முருகன் இயக்கிய ஜப்பான் திரைப்படம் தோல்விப்படமானதைத் தொடர்ந்து, நடிகர் சசிகுமாரை வைத்து புதிய படத்தை இயக்கி வருகிறார்.

இதில், கன்னடத்தில் வெளியான சப்தசாகரச்சே எல்லோ படத்தில் நடித்த சைத்ரா நாயகியாக நடித்துள்ளார். இது, ஜோக்கர் படத்தின் இரண்டாம் பாகமாக இருக்கலாம் என்றும் தகவல்.

இதையும் படிக்க: ராஜமௌலி - மகேஷ் பாபு படத்தில் பிரியங்கா சோப்ரா!

படத்தின் படப்பிடிப்பு சில மாதங்களாக கோவில்பட்டி சுற்றுவட்டாரத்தில் நடைபெற்று முடிந்த நிலையில், முதல் தோற்றப் போஸ்டரை நாளை (ஜன. 26) காலை 11 மணிக்கு இயக்குநர் அனுராக் காய்ஷப் மற்றும் நடிகர் ஆர்யா வெளியிட உள்ளதாகத் தயாரிப்பு நிறுவனம் அறிவித்துள்ளது.