அரசன் தாமதத்திற்கு என்ன காரணம்? திருப்பூர் சுப்ரமணியம் விளக்கம்!

நடிகர் சிலம்பரசன் நடிக்கும் அரசன் திரைப்படத்தின் தாமதம் குறித்து திருப்பூர் சுப்ரமணியம் பேசியுள்ளார்.

நடிகர் சிலம்பரசன் இயக்குநர் வெற்றி மாறன் கூட்டணியில் அரசன் திரைப்படம் உருவாகி வருகிறது. கேங்ஸ்டர் கதையான இதில் பலர் நடித்து வருகின்றனர். இதுவரை சென்னை, மதுரையில் இரண்டு கட்டங்களாக படப்பிடிப்பு நடத்தப்பட்டுள்ளது. ஆனால், 50 சதவீத படப்பிடிப்பே முடிந்ததாகவும் கூறப்படுகிறது.

அரசன் இந்தாண்டு தீபாவளி வெளியீடாகத் திரைக்கு வர இருந்தது. ஆனால், பணிகள் முடிவடையாததால் அடுத்தாண்டுக்குச் செல்கிறது. இதனால், தீபாவளியன்று அரசன் திரைப்படத்தின் சிறப்பு புரோமோவும் வெளியாகிறது. இதில், பிரபல தெலுங்கு இயக்குநர் சந்தீப் ரெட்டி வங்காவும் நடித்துள்ளார்.

இந்த நிலையில், இப்படத்தின் தாமதம் குறித்து பேசிய திரையரங்க உரிமையாளர்கள் சங்கத் தலைவர் திருப்பூர் சுப்ரமணியம், “அரசன் படப்பிடிப்புக்குச் சென்று நடிகர் சிலம்பரசனையும் இயக்குநர் வெற்றி மாறனையும் சந்தித்து பேசினேன். அப்போது, அடுத்தாண்டு பொங்கல் வெளியீடாக அரசனைக் கொண்டு வாருங்கள் எனச் சொன்னேன். இதைக் கேட்ட வெற்றி மாறன், ‘நாங்கள் உழைக்கத் தயாராக இருக்கிறோம். ஆனால், இப்படம் மிகச்சிறப்பாக வர வேண்டும் என நானும் சிலம்பரசனும் அனிருத்தும் நினைக்கிறோம். அதனால், கொஞ்சம் தாமதமாகிறது.’ என்றார். பலரும் சிலம்பரசனால் தாமதம் ஏற்படுவதாக பொய்யாகச் செய்தியைப் பரப்புகின்றனர். அவர் முழு மூச்சாக நடித்துக்கொடுக்க தயாராகத்தான் இருக்கிறார்” எனத் தெரிவித்துள்ளார்.

Tirupur Subramaniam has spoken about the delay of the film Arasan starring actor Silambarasan.