தமிழ்நாடு அரசின் தடயவியல் அறிவியல் சார்நிலைப் பணியில் அடங்கிய இளநிலை அறிவியல் அலுவலர் பதிவிக்கான காலிப்பணியிடங்களில் நேரடி நியமனம் செய்வதற்கான கணினிவழித் தேர்விற்கு மே 26 ஆம் தேதிக்குள் விண்ணப்பிக்கலாம் என தமிழ்நாடு அரசுப் பணியாளர் தேர்வாணையம் அறிவித்துள்ளது.
பணி: இளநிலை அறிவியல் அலுவலர்
காலியிடங்கள்: 31
துறைவாரியான காலியிடங்கள்:
1. வேதியியல் - 20
2. உயிரியல் - 4
3. இயற்பியல் - 3
4. இயற்பியல் மற்றும் வேதியியல்(கணினி தடவியல் அறிவியல்) - 4
சம்பளம்: மாதம் ரு.36,900 - 1,35,100
தகுதி: காலியிடங்கள் அறிவிக்கப்பட்டுள்ள துறையில் முதுகலை பட்டம் பெற்றிருக்க வேண்டும். போதுமான தமிழறிவு பெற்றிருக்க வேண்டும். விரிவான விவரங்கள் அறிவிப்பை பார்த்து தெரிந்துகொள்ளவும்.
வயதுவரம்பு: 1.7.2023 தேதியின்படி 32 வயதிற்குள் இருக்க வேண்டும். எஸ்சி, எஸ்டி, மிகவும் பிற்படுத்தப்பட்டோர் மற்றும் அனைத்து வகுப்புகளையும் சார்ந்த ஆதரவற்ற விதவைகள் பிரிவினர் 18 வயது பூர்த்தியடைந்திருக்க வேண்டும். வயது வரம்பு இல்லை.
தேர்வு செய்யப்படும் முறை: கணினி வழித் தேர்வு, நேர்முகத் தேர்வுடன் அமைந்த வாய்மொழித் தேர்வு அடிப்படையில் தகுதியானவர்கள் தேர்வு செய்யப்படுவர்.
கட்டணம்: பதிவுக்கட்டணம் ரூ.150. தேர்வுக் கட்டணம் ரூ.150. கட்டணத்தை ஆன்லைன் மூலம் செலுத்த வேண்டும். கட்டண சலுகைகள் குறித்த விவரங்களை அறிவிப்பை பார்த்து தெரிந்துகொள்ளவும்.
விண்ணப்பிக்கும் முறை: www.tnpsc.gov.in அல்லது www.tnpscexams.in என்ற இணையதளத்தின் மூலம் ஆன்லைனில் விண்ணப்பிக்க வேண்டும்.
ஆன்லைனில் விண்ணப்பிப்பதற்கான கடைசி தேதி: 26.5.2023
மேலும் விவரங்கள் அறிய இங்கே கிளிக் செய்யவும்.