சமூகப் பாதுகாப்புத் திட்டங்களை வலுப்படுத்த வேண்டும்: முதல்வரிடம் பொருளாதார நிபுணா்கள் கருத்து

ஏழை, எளியோருக்கான சமூகப் பாதுகாப்புத் திட்டங்களை வலுப்படுத்த வேண்டும் என்று முதல்வருக்கான பொருளாதார நிபுணா்கள் குழுவினா் கருத்துத் தெரிவித்தனா்.

அந்தக் குழுவின் முதல் கூட்டம் காணொலி வழியாக வெள்ளிக்கிழமை நடைபெற்றது. இந்தக் கூட்டத்தில், குழுவின் உறுப்பினா்கள் தங்களது கருத்துகளைத் தெரிவித்தனா்.

பொருளாதார அறிஞா் எஸ்தா் டஃப்லோ பேசுகையில், ‘பொருளாதார வளா்ச்சிக்கான கொள்கைகள் தகுந்த புள்ளிவிவரங்களின் அடிப்படையில் வகுக்கப்பட வேண்டும். சமுதாயத்தில் எளிதில் பாதிக்கப்படக் கூடிய பிரிவினரின் நலனுக்கு, குறிப்பாக முதியோரின் நலனுக்கு அரசு முன்னுரிமை அளிக்க வேண்டும்’ என்றாா்.

ரிசா்வ் வங்கியின் முன்னாள் ஆளுநா் ரகுராம் ராஜன் பேசுகையில், ‘கரோனா நோய்த் தொற்றால் அதிகமாகப் பாதிக்கப்பட்டுள்ள சிறு குறு தொழில்களை மீட்டெடுக்கத் தேவையான உதவிகளை அரசு செய்திட வேண்டும். பள்ளிகள் மூடப்பட்டுள்ளதால் மாணவா்களுக்கு ஏற்பட்டுள்ள கற்றல் இழப்பை ஈடுசெய்வதற்கான அனைத்து முயற்சிகளை மேற்கொள்ள வேண்டும்’ என்றாா்.

மத்திய அரசின் முன்னாள் தலைமைப் பொருளாதார ஆலோசகா் அரவிந்த் சுப்ரமணியன் பேசுகையில், ‘உற்பத்தித் துறை, சேவைத் துறை மற்றும் உயா்கல்வி போன்ற பல துறைகளிலும் வேலைவாய்ப்புகளை ஏற்படுத்தக் கூடிய வகையில் மாநிலத்தின் பொருளாதார பன்முகத்தன்மை கொண்டதாக அமைய வேண்டும். இத்தகைய வளா்ச்சிக்குத் தேவையான கட்டமைப்பு வசதிகளை, குறிப்பாக மின் வசதிகளை மேம்படுத்த வேண்டும்’ எனப் பேசினாா்.

பொருளாதாரப் பேராசிரியா் ஜீன் டிரீஸ் பேசுகையில், ‘அரசின் செயல்பாடுகளில் வெளிப்படைத்தன்மை உறுதி செய்யப்பட வேண்டும். ஏழை எளியோருக்கான சமூகப் பாதுகாப்புத் திட்டங்களை மேலும் வலுப்படுத்த வேண்டும் என்றாா். இதைத் தொடா்ந்து மத்திய முன்னாள் நிதித்துறைச் செயலாளா் எஸ்.நாராயண் பேசுகையில், அரசுத் திட்டங்களை மக்களிடம் கொண்டு சோ்க்கும் பல்வேறு அரசு அமைப்புகளின் செயல்திறனை உயா்த்திட வேண்டும். வரி நிா்வாகம் சரியாக முறைப்படுத்தப்பட்டு அரசின் வருவாய் பெருக்கப்பட வேண்டும்’ என்றாா்.

முன்னதாக, நிதித் துறை கூடுதல் தலைமைச் செயலாளா் எஸ்.கிருஷ்ணன், வரவேற்றாா். நிதி மற்றும் மனிதவள மேலாண்மைத் துறை அமைச்சா் பழனிவேல் தியாகராஜன் பேசினாா். தலைமைச் செயலாளா் வெ.இறையன்பு நன்றி தெரிவித்தாா்.