ஏடிஎம் பணம் கொள்ளை வழக்கு:மேலும் ஒரு ஹரியாணா இளைஞா் கைது

ஏடிஎம் பணம் கொள்ளையடிக்கப்பட்ட வழக்கில், மேலும் ஒரு ஹரியாணா இளைஞா் சனிக்கிழமை கைது செய்யப்பட்டாா்.

தமிழகத்தில் எஸ்பிஐ வங்கி ஏடிஎம் மைய இயந்திரங்களின் தொழில்நுட்பக் குறைபாட்டை பயன்படுத்தி ஒரு கும்பல், 30 ஏடிஎம் மையங்களில் ரூ.1 கோடி வரை திருடியிருக்கலாம் என காவல்துறையினரால் சந்தேகிக்கப்படுகிறது. சென்னையில் 14 ஏடிஎம் மையங்களில் ரூ.45 லட்சம் திருடப்பட்டுள்ளது.

இக்கும்பலை கைது செய்ய சென்னை காவல்துறையின் தெற்கு கூடுதல் ஆணையா் என்.கண்ணன் தலைமையில் தனிப்படை அமைக்கப்பட்டது. தனிப்படையினா் நடத்திய விசாரணையில், இத்திருட்டில் ஈடுபடுவது ஹரியாணாவைச் சோ்ந்த கும்பல் என்பது தெரியவந்தது.

இதையடுத்து ஹரியாணா சென்ற தனிப்படையினா் பல்லப்கா்க் பகுதியைச் சோ்ந்த அமீா் அா்ஷ் என்பவரை கடந்த 24-ஆம் தேதி கைது செய்தனா். அமீரிடம் விசாரணை நடத்த 5 நாள்கள் அனுமதி அளித்து பூந்தமல்லி நீதிமன்றம் வெள்ளிக்கிழமை உத்தரவிட்டது. இதைத் தொடா்ந்து போலீஸாா், அமீரிடம் ராயலாநகா் காவல் நிலையத்தில் வைத்து விசாரணை செய்கின்றனா்.

நடித்துக் காட்டினாா்: விசாரணையில், அமீா், சென்னை ராமாபுரம், சின்மயா நகா், பாண்டி பஜாா், வடபழனி, வேளச்சேரி, தரமணி ஆகிய 6 இடங்களில் கைவரிசை காட்டியிருப்பது தெரியவந்தது. அவருடன் ஹரியாணாவைச் சோ்ந்த கூட்டாளி வீரேந்தா் உடன் இருந்ததாகவும் தெரிவித்தாா்.

தொடா்ந்து, அமீரை சம்பவம் நடந்த 6 இடங்களிலும் உள்ள ஏடிஎம் மையங்களுக்கு நேரடியாக அழைத்துச் சென்று, போலீஸாா் விசாரணை செய்தனா். அங்கு அமீா், பணம் டெபாசிட் செய்யும் இயந்திரங்களில் இருந்து எப்படி பணத்தை திருடினோம் என்பதை காவல்துறையினா் முன்னிலையில் நடித்துக் காட்டியுள்ளாா்.

அமீா், பெரியமேடு, கீழ்ப்பாக்கம், சைதாப்பேட்டை, முடிச்சூா், சேலையூா் பகுதிகளில் தங்களது கும்பலைச் சோ்ந்த வேறு நபா்கள் கைவரிசை காட்டியதாக போலீஸாரிடம் தெரிவித்தாராம். விசாரணையின்போது அமீா் கொடுத்த வாக்குமூலத்தை போலீஸாா் விடியோவாகவும், எழுத்துப் பூா்வமாகவும் பதிவு செய்தனா்.

மேலும் ஒருவா் கைது: அமீா், கொடுத்த தகவலின் அடிப்படையில், ஹரியாணாவில் முகாமிட்டிருந்த சென்னை தனிப்படையினருக்கு, இங்குள்ள போலீஸாா் வீரேந்தா் என்பவா் குறித்த விவரங்களை தெரிவித்தனா்.

அதன் அடிப்படையில் ஹரியாணாவில் இருந்த தனிப்படையினா், வீரேந்தரை (32) உடனடியாக சனிக்கிழமை கைது செய்தனா். அவரிடம் முதல் கட்ட விசாரணையை நிறைவு செய்த போலீஸாா், அங்கிருந்து விமானம் மூலம் வீரேந்தரை சென்னை அழைத்து வருவதற்குரிய நடவடிக்கையில் ஈடுபட்டுள்ளனா்.

5 குழுக்களாக தமிழகம் முழுவதும் கொள்ளையடித்திருப்பதும், அதில் ஹரியாணா மாநிலம் மேவாட் பகுதியைச் சோ்ந்த இரு குழுக்கள் ஈடுபட்டிருப்பதும் விசாரணையில் தெரியவந்துள்ளது. மேவாட் பகுதி இணையதளங்கள் வாயிலாக குற்றங்களில் ஈடுபடுகிறவா்களின் கூடாரமாக செயல்படுவதாகவும், அங்கு இக் கொள்ளையில் ஈடுபட்டவா்களை ஹரியாணா மாநில காவல்துறை உதவியுடன் கைது செய்து வருவதாகவும் சென்னை காவல்துறையைச் சோ்ந்த உயா் அதிகாரி தெரிவித்தாா்.