பயணிகள் வருகை குறைவாகக் காணப்பட்டதால் 12 சிறப்பு ரயில்களை ரத்து செய்வதாக தெற்கு ரயில்வே அறிவித்துள்ளது.
கரோனா நோய்த்தொற்றின் இரண்டாம் அலை தற்போது தீவிரமாகி வருகிறது. இதைத் தடுக்க மாநில அரசுகள் பல்வேறு கட்டுப்பாடுகளை விதித்து வருகின்றன. இதன்காரணமாக, சிறப்பு ரயில்களில் பயணிப்போா் எண்ணிக்கை குறைந்து வருகிறது. இதையடுத்து, சிறப்பு ரயில்களை தெற்கு ரயில்வே நிா்வாகம் தற்காலிகமாக ரத்து செய்துவருகிறது.
இதன் தொடா்ச்சியாக, சென்னை சென்ட்ரல் - மங்களூர் உள்ளிட்ட 12 சிறப்பு ரயில்களை தற்காலிகமாக ரத்து செய்து தெற்கு ரயில்வே அறிவித்துள்ளது
இதுதொடர்பாக தெற்கு ரயில்வே வெளியிட்டுள்ள செய்திக்குறிப்பில் சென்னை சென்ட்ரல்-மங்களூர் சிறப்பு ரயில்(06627), கேஎஸார் பெங்களூரு-எர்ணாகுளம் சிறப்பு ரயில்(02677), மதுரை-திருவனந்தபுரம் சிறப்பு ரயில்(06344) உள்ளிட்ட 12 ரயில்கள் ஜூன் 1 முதல் 16ஆம் தேதி வரை ரத்து செய்யப்படுவதாக அறிவிக்கப்பட்டுள்ளது.