உத்தரப் பிரதேசம் : விவசாயிகள் போராட்டத்தால் 40 ரயில்கள் ரத்து

உத்தரப் பிரதேசத்தின்   மொராதாபாத் மாவட்டத்தில் ரயில் தண்டவாளத்தில் அமர்ந்து போராட்டத்தில் ஈடுபட்ட  விவாசாயிகளின் பாதுகாப்பிற்காக நேற்று (ஆக-24) இயக்கப்பட இருந்த 40 ரயில்களை ரயில்வே துறை ரத்து செய்திருக்கிறார்கள்.

மாநிலத்தில் மூன்று புதிய சட்டங்களுக்கு எதிராக விவசாயிகள் பல நாட்களாக போராட்டம் நடத்தி வருகின்றனர்.  விவசாயிகளின் உற்பத்தி வர்த்தகம் மற்றும் வணிகம்  (பதவி உயர்வு மற்றும் வசதி) சட்டம், 2020 ,  விவசாயிகளுக்கு  அதிகாரமளித்தல் மற்றும் பாதுகாப்பான விலை உறுதி , ஒப்பந்தம் தொடர்பான சட்டம்  2020 மற்றும் அத்தியாவசிய பொருட்கள் (திருத்தம்) சட்டம், 2020 ஆகிய திட்டங்களை எதிர்த்து போராட்டம் நடத்தி வந்தவர்கள்  மொராதாபாத் பகுதியில் ரயில் தண்டவாளங்களில் அமர்ந்து போரட்டத்தை தொடர்ந்தனர்.

இதையும் படிக்க | வளையல் விற்ற முஸ்லிம் மீது தாக்குதல்: பாலியல் வழக்கும் பதிவு செய்யப்பட்டதால் பதற்றம்

இதை எதிர்பார்க்காத ரயில்வே நிர்வாகம் போராட்டக்காரர்களின் உயிருக்கு ஆபத்து வந்துவிடும் என்பதால் அந்த பாதையில் செல்லும் 40 ரயில்களை  ரத்து செய்திருக்கிறார்கள்.

இதுகுறித்து ரயில்வே துறையின்  கோட்ட வணிக மேலாளர் ' போராட்டத்தில் ஈடுபட்டவர்கள் தண்டவாளங்களில் அமர்ந்ததால் உடனடியாக கிளம்பத் தயாராக இருந்த 21 ரயில்கள் நிறுத்தப்பட்டதுடன் 40 ரயில்களின் பயணங்கள் ரத்து செய்யப்பட்டது . பயணச்சீட்டை முன்பதிவு செய்தவர்களுக்கு கட்டணத் தொகை திருப்பி அனுப்பப்படும் ' எனத் தெரிவித்திருக்கிறார்.