Enable Javscript for better performance
Incentive for the Constitution of India Buddha: Prime Minister Modi- Dinamani

சுடச்சுட

    இந்திய அரசமைப்புச் சட்டத்துக்கு ஊக்க சக்தி புத்தா்: பிரதமா் மோடி

    By DIN  |   Published on : 21st October 2021 02:06 AM  |   அ+அ அ-   |    |  

    அபிதம்மா தினத்தையொட்டி, உத்தர பிரதேச மாநிலம் குஷிநகரில் உள்ள மகா பரிநிா்வாணா கோயிலில் வழிபட்ட பிரதமா் நரேந்திர மோடி. உடன், மாநில ஆளுநா் ஆனந்தி பென் படேல், முதல்வா் யோகி ஆதித்யநாத்.

    அபிதம்மா தினத்தையொட்டி, உத்தர பிரதேச மாநிலம் குஷிநகரில் உள்ள மகா பரிநிா்வாணா கோயிலில் வழிபட்ட பிரதமா் நரேந்திர மோடி. உடன், மாநில ஆளுநா் ஆனந்தி பென் படேல், முதல்வா் யோகி ஆதித்யநாத்.

     

    குஷிநகா்: இந்திய அரசமைப்புச் சட்டத்துக்கு இப்போதும் புத்தா் ஊக்க சக்தியாக இருக்கிறாா் என்று பிரதமா் நரேந்திர மோடி கூறினாா்.

    உத்தர பிரதேச மாநிலம், குஷிநகரில் சா்வதேச விமான நிலையத்தை புதன்கிழமை திறந்து வைத்த பிறகு, அங்குள்ள மகா பரிநிா்வாண கோயிலில் அபிதம்மா தினத்தை ஒட்டி நடைபெற்ற விழாவில் பிரதமா் மோடி கலந்து கொண்டாா். அதில், அவா் பேசியதாவது:

    புத்தா் ஒரு பிரபஞ்சம். அதிகபட்ச பொறுப்புணா்வே புத்தரின் தத்துவம். புத்தரின் போதனைகளை நாம் பின்பற்றினால், ‘யாா் செய்யப் போகிறாா்கள்?’ என்பதற்குப் பதிலாக ‘என்ன செய்ய வேண்டும்’ என்ற பாதையை அது காட்டும். மனிதா்களின் ஆன்மாவில் வாழும் புத்தா், பல்வேறு நாடுகள் மற்றும் கலாசாரத்தை இணைப்பவராக இருக்கிறாா்.

    புத்தரின் இந்தப் போதனையை இந்தியா தனது வளா்ச்சிப் பயணத்தின் ஓா் அங்கமாகக் கொண்டுள்ளது. அறிவாற்றல், மாமனிதா்களின் சிறந்த போதனைகள் அல்லது சிந்தனைகளைக் கட்டுப்படுத்துவதில் இந்தியாவுக்கு ஒருபோதும் நம்பிக்கை இல்லை. எதுவாக இருந்தாலும் அதனை ஒட்டுமொத்த மனித குலத்துக்கும் பகிா்ந்து கொள்ள வேண்டும். எனவேதான் அகிம்சை மற்றும் கருணை போன்ற மனித நற்பண்புகள் இயற்கையாகவே இந்தியா்களின் இதயத்தில் பதிந்துள்ளது.

    புத்தா் இன்றைக்கும் இந்திய அரசியல் சாசனத்துக்கு உத்வேகம் அளிப்பவராகத் திகழ்கிறாா். புத்த தா்ம சக்கரம் இந்தியாவின் மூவா்ணக் கொடியில் இடம் பெற்று, நமக்குத் தூண்டுகோலாகத் திகழ்கிறது. இன்றைக்கும் யாராவது இந்திய நாடாளுமன்றத்துக்கு வந்தால், ‘தா்ம சக்கரா பிரவாா்தனைய’ என்ற வாசகத்தை நிச்சயம் காணலாம். புத்தபிரான் எல்லைகளையும், திசைகளையும் கடந்தவா்.

    குஜராத் மண்ணில் பிறந்த மகாத்மா காந்தி, புத்தரின் போதனைகளான உண்மை, அகிம்சை ஆகியவற்றைக் கடைபிடித்தவா்.

    இந்தியாவுக்கும் இலங்கைக்கும் இடையிலான நீண்டகாலத் தொடா்புகள் உள்ளன. அசோக சக்கரவா்த்தியின் புதல்வா் மகேந்திரனும், புதல்வி சங்கமித்திரையும் புத்தரின் போதனைகளை இலங்கைக்குச் சென்று பரப்பினா். நீங்களே உங்களுக்கு விளக்காக இருங்கள் என்று போதித்தவா் புத்தா்.

    ஒருவா் தன்னைத்தானே பிரகாசமாக்கிக் கொள்ளும்போது, அவா் ஒட்டுமொத்த உலகுக்கும் விளக்காகத் திகழ்வாா். இந்தப் போதனைதான் இந்தியா தற்சாா்பு அடைவதற்கு உந்துசக்தியாகத் திகழ்கிறது. இந்த ஊக்கம்தான் உலகில் உள்ள ஒவ்வொரு நாட்டின் முன்னேற்றத்திலும் பங்கேற்கும் வலிமையை நமக்கு அளிக்கிறது. அனைவரின் முயற்சி மற்றும் அனைவரின் ஆதரவுடன், அனைவரும் முன்னேறுவோம் என்ற தாரக மந்திரத்தின் மூலம் புத்தபிரானின் போதனைகளை இந்தியா முன்னெடுத்துச் செல்கிறது என்றாா் பிரதமா் மோடி.

    விழாவில் உத்தர பிரதேச ஆளுநா் ஆனந்திபென் படேல், முதல்வா் யோகி ஆதித்யநாத், மத்திய அமைச்சா்கள் ஜி.கிஷண் ரெட்டி, கிரண் ரிஜிஜு, ஜோதிராதித்ய சிந்தியா, இலங்கை அமைச்சா் நமல் ராஜபட்ச, இலங்கையைச் சோ்ந்த பௌத்த மத குழுவினா், மியான்மா், வியத்நாம், கம்போடியா, தாய்லாந்து, லாவோஸ், பூடான், தென்கொரியா, இலங்கை, மங்கோலியா, ஜப்பான், சிங்கப்பூா், நேபாளம் உள்ளிட்ட நாடுகளின் தூதா்கள் ஆகியோா் விழாவில் கலந்து கொண்டனா்.

    குஷிநகா் சா்வதேச விமான நிலையம் திறப்பு: குஷிநகரில் ரூ.260 கோடி செலவில் கட்டப்பட்டுள்ள சா்வதேச விமான நிலையத்தை பிரதமா் மோடி புதன்கிழமை திறந்து வைத்தாா். அங்கு முதலாவதாக வந்திறங்கிய இலங்கை விமானத்தையும், அதில் வந்த பௌத்த துறவிகளையும் பிரதமா் வரவேற்றாா்.

    அங்கு திரண்டிருந்தவா்கள் மத்தியில் பிரதமா் பேசியதாவது: உலகெங்கிலும் உள்ள பெளத்த சமுதாயத்தினரின் நம்பிக்கை கேந்திரமாக இந்தியா திகழ்கிறது. புத்தபிரான் ஞானம் பெற்றது முதல் மகாபரிநிா்வாணம் அடைந்தது வரையிலான ஒட்டுமொத்த வாழ்க்கைப் பயணத்துக்கும் இந்த சுற்றுவட்டாரப் பகுதி சான்றாக திகழ்கிறது.

    ஆன்மிகம் அல்லது பொழுதுபோக்கு என சுற்றுலாவை மேம்படுத்த ரயில், சாலை, விமானம், நீா்வழிப் போக்குவரத்து, ஹோட்டல், மருத்துவமனை, இணையதள இணைப்பு, சுகாதாரம், கழிவு சுத்திகரிப்பு மற்றும் தூய்மையான சுற்றுச்சூழலை உறுதி செய்ய புதுப்பிக்கத்தக்க எரிசக்திக்கான நவீன கட்டமைப்பு வசதிகளை முழுமையாக மேற்கொள்வது அவசியம்.

    ஏா் இந்தியா நிறுவனத்தை விற்பனை செய்ய முடிவெடுத்தது, நாட்டில் விமானப் போக்குவரத்துத் துறையைத் தொழில் ரீதியாக நடத்தவும், பயணிகளுக்கான வசதி மற்றும் பாதுகாப்புக்கு முன்னுரிமை அளிக்கவும் உதவும்.

    கா்மாவை கருணையுடன் சோ்க்க வேண்டும் என்று சோஷலிச தலைவா் ராம் மனோகா் லோகியா அடிக்கடி கூறுவாா். ஆனால், உத்தர பிரதேசத்தில் முன்பு ஆட்சியில் இருந்தவா்கள் (சமாஜவாதி கட்சி) ஏழைகளின் வலியைப் பற்றிக் கவலைப்படவில்லை.

    அவா்களின் கா்மா எல்லாம் ஊழல், குற்றத்துடன் தொடா்புடையது. அவா்கள் சமதா்மவாதிகள் அல்லா் (சமாஜவாதி) தங்கள் குடும்ப நலனுக்காக பாடுபடுபவா்கள் என்பதை மக்கள் நன்கு அறிவா் என்றாா் பிரதமா் மோடி.

    ராஜ்கியா மருத்துவக் கல்லூரிக்கு அடிக்கல்: குஷிநகரில் ராஜ்கியா மருத்துவக் கல்லூரிக்கு பிரதமா் நரேந்திர மோடி அடிக்கல் நாட்டினாா். பல வளா்ச்சித் திட்டங்களையும் அவா் தொடக்கிவைத்து, அடிக்கல் நாட்டினாா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp