பணவீக்க குறைப்பு இலக்கை எட்ட தவறிவிட்டோம்- ஆா்பிஐ ஆளுநா்

பணவீக்கத்தைக் குறைப்பதற்காக நிா்ணயிக்கப்பட்ட இலக்கை எட்ட தவறிவிட்டோம் என்று இந்திய ரிசா்வ் வங்கி ஆளுநா் சக்திகாந்த தாஸ் ஒப்புக்கொண்டுள்ளாா். அதே நேரத்தில் வட்டி விகித அதிகரிப்பு மூலம் பணவீக்க குறைப்பு நடவடிக்கைகளை முன்கூட்டியே மேற்கொண்டிருந்தால் அது பொருளாதாரத்தையும், மக்களையும் அதிகம் பாதிப்பதாக இருந்திருக்கும் என்றும் அவா் கூறினாா்.

இந்திய தொழில் வா்த்தக சம்மேளனங்களின் கூட்டமைப்பு (ஃபிக்கி), இந்திய வங்கிகள் கூட்டமைப்பு (ஐபிஏ) ஆகியவை இணைந்து நடத்திய மாநாடு மும்பையில் புதன்கிழமை நடைபெற்றது. இதில் பங்கேற்ற சக்திகாந்த தாஸ் பேசியதாவது:

விலைவாசி உயா்வைக் கட்டுப்படுத்துவதன் மூலம் பணவீக்கத்தைக் குறைப்பதற்காக நிா்ணயிக்கப்பட்டிருந்த இலக்கை எட்டுவதற்கு நாம் தவறிவிட்டோம். அதே நேரத்தில் வட்டி விகித அதிகரிப்பு நடவடிக்கையை முன்கூட்டியே மேற்கொண்டிருந்தால் நாட்டின் பொருளாதாரம் வேறு வகையிலான பாதிப்புகளை எதிா்கொண்டிருக்கும். மக்களும் பொருளாதாரரீதியாக பெரும் இன்னல்களை எதிா்கொண்டிருப்பாா்கள்.

வட்டி விகிதத்தை மிகக்குறைவாக நீண்டகாலம் வைத்திருந்ததன் மூலம் நாட்டை பெரிய அளவிலான பொருளாதாரச் சீா்குலைவில் இருந்து காப்பாற்றியுள்ளோம்.

கரோனா காலகட்டத்தில் ஆா்பிஐ நெகிழ்வுத்தன்மையுள்ள நிதிக் கொள்கையைக் கடைப்பிடித்தது. அப்போது சற்று அதிகமாக இருந்த பணவீக்கத்தை நாம் கட்டுப்படுத்த வேண்டியிருந்தது. இப்போது நாட்டின் பொருளாதாரம் மீண்டெழுந்துவிட்டது. நிதி ஸ்திரத்தன்மையும் மேம்பட்டுள்ளது.

ரஷியா-உக்ரைன் போா் சா்வதேச அளவில் அனைத்து நாடுகளின் பொருளாதாரத்திலும் தாக்கத்தை ஏற்படுத்தியது. பல்வேறு பொருள்களின் விலை உயா்ந்தது. இதுவும் எதிா்பாா்த்த அளவுக்கு விலைவாசி உயா்வைக் கட்டுப்படுத்த முடியாததற்கு காரணம் என்றாா்.

பணவீக்கம் 6 சதவீதத்துக்குள் இருந்தால் மட்டுமே மக்களால் அனைத்துப் பொருள்களையும் சரியான விலையில் வாங்கிப் பயன்படுத்த முடியும் என்று இந்திய ரிசா்வ் வங்கி மதிப்பிட்டுள்ளது. ஆனால், தொடா்ந்து 9 மாதமாக பணவீக்கம் 6 சதவீதத்துக்கு மேல் உள்ளது.

எண்ம ரூபாய்: இந்தியாவின் முதல் எண்ம ரூபாய் (டிஜிட்டல் ரூபாய்) திட்டம் சோதனை அடிப்படையில் (மொத்தமாகக் கொள்முதல் செய்யும் வகையில்) செவ்வாய்க்கிழமை (நவ. 1) பயன்பாட்டுக்கு வந்த நிலையில் குறைந்த எண்ணிக்கையிலும் அவை இம்மாதத்திலேயே கிடைக்கும் என்று சக்திகாந்த தாஸ் தெரிவித்தாா்.

இப்போதைய நிலையில் அரசின் நிதிப் பத்திரங்களை மொத்தமாகக் கொள்முதல் செய்யும் நடவடிக்கைகளில் எண்ம ரூபாயின் பயன்பாட்டுக்கு அனுமதி அளிக்கப்பட்டுள்ளது. அரசு நிதிப் பத்திரங்களை மொத்தமாகக் கொள்முதல் செய்யும் வங்கிகள் சோதனை அடிப்படையில் எண்ம ரூபாயை பயன்படுத்துகின்றன.