இது என்னுடைய வெற்றி மட்டுமல்ல ஜம்மு-காஷ்மீரின் வெற்றி: குலாம் அலி

இது என்னுடைய வெற்றி மட்டுமல்ல ஜம்மு காஷ்மீரின் வெற்றி என  மாநிலங்களவை உறுப்பினர் குலாம் அலி கருத்து தெரிவித்துள்ளார். 

கலை, அறிவியல், சமூக சேவை போன்ற பின்புலங்களிலிருந்து 12 பேரை மாநிலங்களவை நியமன உறுப்பினா்களாக குடியரசுத் தலைவா் நியமனம் செய்கிறாா். தற்போதைய நியமன உறுப்பினா்களில் ஒருவருடைய பதவிக் காலம் முடிவடைந்ததைத் தொடா்ந்து, ஜம்மு-காஷ்மீரின் குலாம் அலி நியமன உறுப்பினராக நியமிக்கப்பட்டுள்ளதாக மத்திய உள்துறை அமைச்சகம் வெளியிட்ட அறிக்கையில் தெரிவிக்கப்பட்டுள்ளது.

குலாம் அலி ஜம்மு-காஷ்மீரின் குா்ஜாா் இஸ்லாமிய சமூகத்தைச் சோ்ந்தவா். இச்சமூகத்தைச் சோ்ந்தவா் மாநிலங்களவைக்கு நியமிக்கப்படுவது இதுவே முதல் முறை என்பது குறிப்பிடத்தக்கது.

தற்போது குலாம் அலி கூறியதாவது: 

பாஜகவில் நாங்கள் பதவிக்காக வேலை செய்வதில்லை. கட்சிக்காக தன்னலமில்லாமல் வேலை செய்கிறோம். கட்சி எனது வேலை, விசுவாசத்தை கவனித்தது. பிரதமர் மோடிக்கு நன்றியை தெரிவித்துக் கொள்கிறேன். இது என்னுடைய வெற்றி மட்டுமல்ல ஜம்மு காஷ்மீரின் வெற்றி. 

நாம் ஆட்சிக்கு வருவோம் அப்போது அரசியல் அதிகாரம் கிடைக்காத மக்களுக்கு முன்னேற்ற உதவுவோம் என மோடி கூறியிருந்தார். தற்போது சொன்னதை செய்து காட்டிவிட்டார். இது குர்ஜார் சமூகத்தின் வெற்றி மட்டுமல்ல அனைத்து சமூகத்தின் வெற்றி. 

இந்தியாவில் ஒரேநாளில் 5,076 பேருக்கு கரோனா

பிரபல தெலுங்கு நடிகர் கிருஷ்ணம் ராஜு காலமானார்

வீழ்ச்சியை நோக்கி விமானப் போக்குவரத்து