சிட்டி யூனியன் வங்கிக்கு 7 விருதுகள்!

இந்திய வங்கிகள் கூட்டமைப்பு மாநாட்டில் பல்வேறு பிரிவுகளில் 7 விருதுகளை சிட்டி யூனியன் வங்கி வென்றது.

மகாராஷ்டிரம் மாநிலம் மும்பையில் இந்திய வங்கிகள் கூட்டமைப்பு ஏற்பாடு செய்திருந்த 19-ஆவது தொழில்நுட்ப மாநாடு கடந்த 9-ஆம் தேதி நடைபெற்றது.

இந்த மாநாட்டில் சிறந்த தொழில்நுட்பங்கள் மூலம் வாடிக்கையாளர்களுக்கு சிறப்பான சேவை வழங்கும் வங்கிகளுக்கு பல்வேறு பிரிவுகளின் விருதுகள் வழங்கப்பட்டது.

இதில், சிறந்த செயற்கை நுண்ணறிவு, சிறந்த தொழில்நுட்ப பாதுகாப்பு மேலாண்மை, சிறந்த தொழில்நுட்ப வங்கி உள்பட 7 பிரிவுகளின் கீழ் சிட்டி யூனியன் வங்கி விருதுகளை வென்றது.

ரிசர்வ் வங்கியின் துணை ஆளுநர் டி.ரபிசங்கரிடம் இருந்து சிட்டி யூனியன் வங்கியின் மேலாண் இயக்குநர் மற்றும் தலைமைச் செயல் அதிகாரி என். காமகோடி விருதுகளை பெற்றுக் கொண்டார்.