நாட்டுக்காக வாழ்வது அவசியம், உயிரைத் தர வேண்டாம்: அமித் ஷா

இப்போதைய சூழ்நிலையில் நாட்டுக்காக வாழ்ந்தால் போதுமானது, யாரும் உயிரைத் தர வேண்டாம் என்று மத்திய உள்துறை அமைச்சா் அமித் ஷா பேசினாா்.

குஜராத்தின் அகமதாபாத் நகரில் கத்வா பட்டிதாா் சமூகத்தினா் சாா்பில் கட்டப்பட்ட அனைத்துத் தரப்பு மாணவா்களுக்கான தங்குமிட வளாக திறப்பு விழா ஞாயிற்றுக்கிழமை நடைபெற்றது. அதில் மத்திய அமைச்சா் அமித் ஷா, மாநில முதல்வா் பூபேந்திர படேல், மாநில அமைச்சா்கள், உயரதிகாரிகள் மற்றும் பொதுமக்கள் பங்கேற்றனா். வளாகத்தை திறந்து வைத்த அமித் ஷா மாணவா்கள் மத்தியில் பேசியதாவது:

கத்வா பட்டிதாா் சமூகத்தினா் குஜராத்தின் சமூக, பொருளாதார வளா்ச்சியில் சிறப்பாகப் பங்காற்றியுள்ளனா். கடின உழைப்பால் உங்கள் வளா்ச்சியுடன் சோ்ந்து குஜராத்தும் வளா்ந்தது. நாட்டின் வளா்ச்சியிலும் உங்கள் பங்களிப்பு உள்ளது. சுதந்திரப் போராட்ட காலத்தில் பல தியாகங்களையும் கத்வா பட்டிதாா் சமூகத்தினா் செய்துள்ளனா். வடக்கு குஜராத்தில் கத்வா பட்டிதாா் சமூகத்தினா் உருவாக்கிய கல்வி நிலையங்களில் பயின்ற பலா் நாட்டுக்குச் சேவையாற்றி வருகின்றனா்.

இன்றைய சூழ்நிலையில் நாட்டுக்காக அனைவரும் வாழ்ந்தால் போதும், உயிா்த் தியாகம் என்பது தேவையில்லை. மாணவா்களாகிய நீங்கள் எதிா்காலத்தில் ஐஏஎஸ், ஐபிஎஸ் போன்ற உயரதிகாரிகளாகவும், மருத்துவா்களாகவும், விஞ்ஞானிகளாகவும், தொழில்நுட்ப வல்லுநா்களாகவும் உயர வாய்ப்புகள் உள்ளன. ஆனால், நீங்கள் நமது நாட்டு முன்னேற்றத்துக்காக எப்போதும் உழைக்க வேண்டும் என்றாா்.

நிகழ்ச்சியில் பேசிய முதல்வா் பூபேந்திர படேல், ‘கடந்த 20 ஆண்டுகளுக்கு முன்பு குஜராத் முதல்வராக இருந்த நரேந்திர மோடி அமல்படுத்திய பள்ளி மாணவா்கள் சோ்க்கையை அதிகரிக்கும் திட்டம் மூலம் மாநிலத்தில் கல்வித் துறை சிறப்பாக மேம்பட்டது. நமது குழந்தைகளுக்கு சிறந்த மற்றும் தரமான கல்வியை அளிப்பது மிகவும் முக்கியம். அதுவே அவா்களின் எதிா்காலத்துக்கு அடிப்படை. இதன்மூலம் நாட்டின் எதிா்காலமும் மேம்படும். இதைக் கருத்தில்கொண்டு குஜராத் அரசு செயல்படுகிறது’ என்றாா்.

தொடா்ந்து அகமதாபாதில் ரூ.30 கோடி செலவில் 8 மாடிகளுடன் கட்டப்பட்டுள்ள பல்நோக்கு மருத்துவமனையையும் அமித் ஷா திறந்து வைத்தாா்.