தோ்தலில் வெற்றி பெற்ற இளைய - மூத்த வேட்பாளா்கள்

புது தில்லி: உத்தர பிரதேசத்தில் இரு சமாஜவாதி கட்சி வேட்பாளா்கள் புஷ்பேந்திர சரோஜ் (25), பிரியா சரோஜ் (25), மக்களவை தோ்தலில் இளம் வேட்பாளா்களாக வெற்றி பெற்றுள்ளனா். லோக் ஜனசக்தி கட்சி (ராம் விலாஸ்) வேட்பாளா் சம்பவி சௌத்ரி (25) இளைய தலித் வேட்பாளராக வெற்றி பெற்றுள்ளாா்.

அதே நேரத்தில், திமுகவின் டி.ஆா்.பாலு (82) மூத்த வேட்பாளராக தனது வெற்றியைப் பதிவு செய்துள்ளாா்.

நடைபெற்ற மக்களவைத் தோ்தலில் 80 வயதுக்கு மேற்பட்ட 11 வேட்பாளரும், 25-30 வயதுக்குட்பட்ட 537 வேட்பாளா்களும் போட்டியிட்டனா்.

இதில் சமாஜவாதி கட்சியைச் சோ்ந்த கௌஷாம்பி தொகுதி வேட்பாளா் புஷ்பேந்திர சரோஜ் (25) மற்றும் மச்லிசாஹா் தொகுதியைச் சோ்ந்த பிரியா சரோஜ் (25) இளவயது மக்களவை உறுப்பினராக உள்ளாா். திமுக சாா்பில் 6 முறை எம்.பி.யாக இருந்த டி.ஆா்.பாலு (82) ஸ்ரீபெரும்புதூா் தொகுதியில் வெற்றி பெற்று மூத்த மக்களவை உறுப்பினராக மாறியுள்ளாா்.