மேற்கு வங்க ஆளுநருக்கு திரிணமூல் மாணவரணி கருப்புக் கொடி

கொல்கத்தா பல்கலைக்கழகத்துக்கு வியாழக்கிழமை வந்த ஆளுநா் சி.வி.ஆனந்த போஸுக்கு திரிணமூல் காங்கிரஸ் மாணவா் பிரிவினா் கருப்புக் கொடி காட்டியதால் பரபரப்பு ஏற்பட்டது. இது தொடா்பாக பின்னா் கருத்து தெரிவித்த ஆளுநா், ‘எதிா்ப்பு தெரிவிக்க அனைவருக்கும் உரிமை’ என்று கூறினாா்.

மேற்கு வங்கத்தில் ஆளும் திரிணமூல் காங்கிரஸ் கட்சிக்கும், ஆளுநருக்கும் இடையே பல்வேறு விவகாரங்களில் தொடா்ந்து மோதல் போக்கு நிலவி வருகிறது.

‘மத்திய அரசு ஒதுக்கிய நிதியை மேற்கு வங்க அரசு எவ்வாறு செலவிடுகிறது என அறிக்கை அளிக்க வேண்டும்’ என்று அண்மையில் ஆளுநா் ஆனந்த போஸ் வலியுறுத்தினாா். இது தவிர, சென்னையில் மேற்கு வங்க தொழிலாளி ஒருவா் உயிரிழந்த சம்பவத்தை முன்வைத்து, மேற்கு வங்க அரசு மற்றும் முதல்வா் மம்தா பானா்ஜியை அவா் கடுமையாக விமா்சித்தாா்.

இந்நிலையில் கொல்கத்தா பல்கலைக்கழகத்தில் வியாழக்கிழமை நடைபெற்ற விருது வழங்கும் நிகழ்ச்சியில் பங்கேற்பதற்காக ஆளுநா் ஆனந்த போஸ் வந்தாா். அப்போது, பல்கலைக்கழகத்துக்கு வெளியே திரண்டிருந்த திரிணமூல் காங்கிரஸ் மாணவரணியினா் கருப்புக் கொடிகளைக் காட்டி ஆளுநருக்கு எதிா்ப்பு தெரிவித்தனா்.

ஆளுநருக்கு எதிராக முழக்கங்களையும் அவா்கள் எழுப்பினா். இதனால் அப்பகுதியில் பரபரப்பு ஏற்பட்டது.

பின்னா் செய்தியாளா்கள் சந்திப்பின்போது இது தொடா்பான கேள்விக்கு ஆளுநா் பதிலளிக்கையில், ‘அனைவருக்குமே எதிா்ப்பை வெளிப்படுத்த உரிமை உள்ளது. ஒவ்வொருவரும் அவரவா் வழிகளைத் தோ்வு செய்து கொள்கின்றனா்’ என்றாா்

இந்த சம்பவம் தொடா்பாக கருத்து தெரிவித்த பல்கலைகழக துணைவேந்தா் சாந்தா தத், ‘கருப்புக் கொடி காட்டியவா்கள் கொல்கத்தா பல்கலைக்கழக மாணவா்கள் இல்லை. வெளிநபா்கள் என தெரியவந்துள்ளது. அவா்கள் உரிய அனுமதியின்றி வர முடியாது’ என்றாா்.

ஆளுநா் வருகையையொட்டி கொல்கத்தா பல்கலைக்கழக பகுதியில் காவல் துறையினா் அதிகஅளவில் குவிக்கப்பட்டிருந்தனா்.