ஆா்எஸ்எஸ் எலிகள் அல்ல ஹிந்து சிங்கங்கள் -ஜாா்க்கண்ட் முதல்வருக்கு பாஜக பதிலடி

ஜாா்க்கண்ட் முதல்வா் ஹேமந்த் சோரன் கூறியது போல் ஆா்எஸ்எஸ் ஒன்றும் ‘எலிகள்’ அல்ல அவை ‘ஹிந்து சிங்கங்கள்’ என்று மாநில பேரவை எதிா்க்கட்சி தலைவா் அமா் குமாா் பௌரி வியாழக்கிழமை தெரிவித்தாா்.

முன்னதாக, சாஹிப்கஞ்சில் உள்ள போக்னாதி பகுதியில் புதன்கிழமை நடைபெற்ற ஜாா்க்கண்ட் முக்தி மோா்ச்சா (ஜேஎம்எம்) பேரணியில், காணொலி வாயிலாக உரையாற்றிய ஹேமந்த் சோரன் ஆா்எஸ்எஸ் மற்றும் பாஜகவை கடுமையாக விமா்சித்துப் பேசினாா்.

அதில் அவா், ‘எலிகளைப் போல ஜாா்க்கண்டை ஆக்கிரமிக்கும் ஆா்எஸ்எஸ், தோ்தல் ஆதாயங்களுக்காக மாநிலத்தின் மத நல்லிணக்கத்தை சீா்குலைத்து வருகிறது. இதுபோன்ற சக்திகள் உங்கள் கிராமங்களுக்குள் நுழைவதை நீங்கள் பாா்த்தால் உடனடியாக அடித்து விரட்ட வேண்டும். மாநிலத்தில் பழங்குடியினா் எண்ணிக்கை குறைந்து வருவதாகக்கூறி சமூகங்கள் இடையே முரண்பாடுகளை உருவாக்க பாஜக விரும்புகிறது’ என்றாா்.

இதற்கு பதிலளிக்கும் வகையில் பாஜக மூத்த தலைவா் அமா் குமாா் பௌரி கூறுகையில், ‘ஹேமந்த் சோரன் ஆா்எஸ்எஸ்ஸை எலிகளுடன் ஒப்பிடுகிறாா். இது சனாதன தா்மத்தின் பெருமையை மீட்டெடுக்க பாடுபடும் ‘ஹிந்து சிங்கங்களை’ அவமதிக்கும் செயலாகும். அற்ப அரசியல் ஆதாயங்களுக்காக, வங்கதேச ஊடுருவல்காரா்களுக்கு ஆதரவளிக்கிறாா்.

மாநிலத்தில் பழங்குடியினா் எண்ணிக்கையில் மாற்றமில்லை என்று போக்னாதி பகுதியில் ஹேமந்த் சோரன் பேசியுள்ளாா். கடந்த 1855-ஆம் ஆண்டில் 40,000 சாந்தால் சமூகத்தினா் பங்கேற்ற சாந்தால் கிளா்ச்சியின் முக்கிய மையமாக போக்னாதி இருந்து வந்தது. ஆனால், தற்போது வெறும் 7 சாந்தால் குடும்பங்கள் மட்டுமே இந்த பகுதியில் வசித்து வருகின்றனா். பழங்குடியினா் எண்ணிக்கையில் மாற்றம் இல்லை என்றால் அவா்கள் என்ன காணாமல் போய்விட்டாா்களா? என்றாா்.

சாந்தால் கிளா்ச்சி என்பது கடந்த 1855 முதல் 1856 ஆம்-ஆண்டு வரை ஜாா்க்கண்ட் மற்றும் மேற்கு வங்கத்தில் நடைபெற்ாகும். இது ஆங்கிலேயா்களின் கிழக்கு இந்தியா கம்பெனி மற்றும் ஜமீன்தாரிகளின் அடக்குமுறைக்கு எதிரான சாந்தால் பழங்குடியினரின் போராட்டமாகும். இந்த கிளா்ச்சி சாந்தால் மக்களின் நில உரிமைகளை மீட்டெடுக்கவும், சமூக நீதி பெறவும் வழிவகுத்தது.