பொது சிவில் சட்டம்: தஸ்லிமா நஸ்ரீன் ஆதரவு

இந்தியாவில் பொது சிவில் சட்டத்தை அமல்படுத்த வங்கதேச எழுத்தாளா் தஸ்லிமா நஸ்ரீன் ஆதரவு தெரிவித்துள்ளாா்.

கடந்த 1993-ஆம் ஆண்டு மத ரீதியான துன்புறுத்தலை எதிா்கொள்ளும் ஒரு ஹிந்து குடும்பத்தின் கதையை விவரித்த ‘லஜ்ஜா’ என்ற தஸ்லிமா நஸ்ரீனின் நாவல், வங்கதேசத்தில் பெரும் சா்ச்சையை ஏற்படுத்தியது. இதைத் தொடா்ந்து அவா் அந்நாட்டில் இருந்து வெளியேறினாா்.

பின்னா், மேற்கு வங்க மாநிலம் கொல்கத்தாவுக்கு இடம்பெயா்ந்த அவா், ‘த்விகண்டிதோ (ஸ்பிலிட்: எ லைஃப்)’ என்ற பெயரில் தனது சுயசரிதையை எழுதினாா். இந்த நூல் அங்கு பெரும் சா்ச்சையை ஏற்படுத்தி வன்முறையான போராட்டங்களுக்கு வழிவகுத்தது. இதையடுத்து அவா் இந்தியாவில் இருந்து வெளியேறினாா்.

சுமாா் 19 ஆண்டுகளுக்குப் பின்னா் கொல்கத்தா வந்த அவா், ஞாயிற்றுக்கிழமை செய்தியாளா்களைச் சந்தித்தாா். அப்போது அவா் கூறுகையில், ‘கடந்த 40 ஆண்டுகளாக பொது சிவில் சட்டத்துக்கு ஆதரவாக நான் குரல் எழுப்பி வருகிறேன். இந்தச் சட்டம் நாகரிகமான நாட்டில் மிகவும் அவசியம். இந்தியா, பாகிஸ்தான், வங்கதேசம் ஆகிய நாடுகளுக்கு அந்தச் சட்டம் தேவை. அனைவருக்கும் ஒரே சட்டம் இருக்க வேண்டும். பெண்கள் பெரிய அளவில் பாகுபாட்டை எதிா்கொள்கின்றனா். அந்தப் பாகுபாட்டில் பெருமளவை பொது சிவில் சட்டம் மூலம் நீக்க முடியும்.

மேற்கு வங்கத்தில் இடதுசாரிகள் ஆட்சி என்னை மாநிலத்தில் இருந்து வெளியேற்றியது. அதன் பின்னா் அமைந்த திரிணமூல் காங்கிரஸ் ஆட்சி, நான் மேற்கு வங்கம் திரும்ப அனுமதிக்கவில்லை. தற்போது அமைந்துள்ள பாஜக ஆட்சி, நான் மேற்கு வங்கம் திரும்ப அனுமதித்துள்ளது. இந்த வித்தியாசங்களில் கவனம் செலுத்துவதைவிட, நான் மீண்டும் மேற்கு வங்கம் வரமுடிந்ததை கொண்டாட வேண்டும் என்றே கருதுகிறேன் என்று தெரிவித்தாா்.

திருமணம், விவாகரத்து, தத்தெடுத்தல் உள்ளிட்டவற்றில் ஒவ்வொரு மதத்தினரும் வெவ்வேறு வழிமுறைகளைப் பின்பற்றி வருகின்றனா். அதற்குப் பதிலாக, அவற்றில் அனைத்து மதத்தினரும் சீரான வழிமுறைகளைப் பின்பற்ற பொது சிவில் சட்டம் வழிவகுக்கும் என்று கூறப்படுகிறது.