அஸ்ஸாமில் பாஜக அமோக வெற்றி: பிரதமர் மோடி வாழ்த்து!

அஸ்ஸாம் மாநிலத்தில் பாஜக - என்டிஏ கூட்டணி அமோக வெற்றி பெற்றுள்ளதற்கு பிரதமர் நரேந்திர மோடி வாழ்த்துத் தெரிவித்தார்.

அஸ்ஸாமில் பாஜக-என்டிஏ கூட்டணி 82 இடங்களில் வெற்றி பெற்றுள்ளது.

இன்று மாலை 6 மணி நிலவரப்படி, பாஜக 82, காங்கிரஸ் 19 இடங்களில் போடோலாந்து கட்சி 10 இடங்களிலும், அஸ்ஸாம் கன பரிஷத் 10 இடங்களிலும், அகில இந்திய ஐக்கிய ஜனநாயக முன்னணி 2 இடங்களிலும், ஆர்ஜேடி 2, ஏஐடிசி 1 இடத்திலும் வெற்றி பெற்றுள்ளது.

அஸ்ஸாமில் பாஜக மூன்றாவது முறையாக ஆட்சியமைக்க உள்ளது.

இதுதொடர்பாக பிரதமர் மோடி வெளியிட்ட எக்ஸ் பக்கத்தில்,

அஸ்ஸாம் மக்களிடையே இரவும் பகலும் அயராது உழைத்து வரும் அனைத்து பாஜக-என்டிஏ தொண்டர்களையும் நான் பாராட்டுகிறேன்.

கடந்த பத்தாண்டுகளில் பாஜக கட்சியும் கூட்டணியும் அடைந்துள்ள வளர்ச்சி மிகவும் பாராட்டுக்குரியதாகும். நமது ஆக்கபூர்வமான செயல்திட்டங்கள் மக்களின் மனதை ஆழமாகச் சென்றடைவதை இவர்களின் முயற்சிகளே உறுதி செய்துள்ளன. இவ்வாறு அவர் பதிவிட்டுள்ளார்.