ஸ்ரீமந்நாதமுனிகள் ஜெனன மஹோற்சவம் நாளை தொடக்கம்!

நாலாயிர திவ்ய பிரபந்தத்தை அளித்த ஸ்ரீமந்நாதமுனிகள் 1190வது ஜெனன மஹோற்சவம் நாதமுனிகள் அவதார ஸ்தலமான காட்டுமன்னார்கோயில் சதுர்வேதிமங்கலத்தில் (குப்பங்குழி) ஸ்ரீநாதமுனிகள், ஸ்ரீஆளவந்தார் அவதாரத் திருமாளிகையில் நாளை (ஜூன் 19) திருக்கல்யாணம் உற்சவத்துடன் தொடங்குகிறது.

உற்சவ விபரம்: ஜூன் 20-ம் தேதி நாதமுனிகள் எழுந்தருளி திருப்பல்லாண்டு தொடக்கம், 21-ம் தேதி திவ்யபிரபந்த சேவை சாற்றுமுறை, அனுஷம் சிறப்பு வழிபாடு, 22-ம் தேதி அன்னம் பற்றிய சொற்பொழிவு, திவ்யபிரபந்த சேவை சாற்றுமுறை, 23-ம் தேதி கண்ணிநுண் சிறுத்தாம்பு பற்றிய சொற்பொழிவு, திவ்யபிரபந்த சேவை சாற்றுமுறை, 24-ம் தேதி திவ்யபிரபந்த சேவை சாற்றுமுறை, தேவாகன திவ்யபிரபந்த இசை நிகழ்ச்சி, 25-ம் தேதி காலை திருமஞ்சனம், நாலாயிர திவ்ய பிரபந்த சேவை சாற்றுமுறை திவ்யதேச பகுமானங்கள். ஜூன் 25-ம் தேதி திருக்கோவிலூர் ஸ்ரீமந் ஜீயர் சுவாமிகள், ஏ.வி.ரெங்காச்சாரியார், ஸ்ரீரங்கம் ஸ்ரீவைஷ்ணவஸ்ரீ, சென்னை சதுர்வேதி சுவாமி ஆகியோரின் சொற்பொழிவு நடைபெறுகிறது. உற்சவ ஏற்பாடுகளை ஸ்ரீமந் நாதமுனிகள் சபா தலைவர் எஸ்.சீனுவாசநாராயணன், தோத்தாத்திரி மற்றும் நிர்வாகிகள் செய்துள்ளனர்.