10-புதுச்சேரி சட்டப்பேரவை கூடுகிறது

வரும் மார்ச் 10-ம் தேதி புதுச்சேரி சட்டப்பேரவை கூடுகிறது. இதற்கான அறிவிப்பை சட்டப்பேரவை செயலாளர் எஸ்.மோகன்தாஸ் வெளியிட்டுள்ளார்.

சட்டப்பேரவை தேர்தல் தேதிகள் அறிவிக்கப்பட்டுள்ள நிலையில் தற்போது 4 மாதங்களுக்கான செலவினத்துக்கு ஒப்புதல் பெறும் வகையில் புதுச்சேரி சட்டப்பேரவை வரும் 10-ம் தேதி காலை 10 மணிக்கு கூடுகிறது. பேரவைத் தலைவர் வி.சபாபதி தலைமை தாங்குகிறார்.

ஏற்கெனவே தேர்தல் நடைபெறும் இதர மாநிலங்களான தமிழகம், கேரளம், அசாம், மேற்கு வங்கத்தில் சட்டப்பேரவை கூட்டப்பட்டு இடைக்கால பட்ஜெட் தாக்கல் செய்யப்பட்டது. ஆனால் புதுவையில் பேரவை எப்போது கூட்டப்படும் என தெரியாத நிலை இருந்தது. இந்நிலையில் தற்போது பேரவை கூடும் தேதி அறிவிக்கப்பட்டுள்ளது.

இக்கூட்டம் புதுச்சேரி சட்டப்பேரவையின் கடைசி கூட்டத்தொடராக இருக்கும்.