மேற்குவங்கம், அசாமின் முதல்கட்ட தேர்தல் பிரசாரம் நிறைவு

மேற்குவங்கம், அசாம் மாநில சட்டப்பேரவையின் முதல்கட்ட தேர்தலுக்கான பிரசாரம் நிறைவு பெற்றது.

மேற்குவங்கம், அசாம் சட்டப்பேரவையின் முதல்கட்ட தேர்தல் வரும் 27ஆம் தேதி நடைபெறவுள்ளது. இதற்கான பிரசாரம் இன்று மாலை 6 மணியுடன் நிறைவடைந்தது.

மேற்குவங்கம்:

மேற்குவங்க சட்டப்பேரவைத் தேர்தல் 8 கட்டங்களாக நடைபெறவுள்ளது. மொத்தம் 294 தொகுதிகளை கொண்ட மேற்குவங்கத்தில், முதல்கட்டமாக 27ஆம் தேதி 30 தொகுதிகளுக்கு வாக்குப்பதிவு நடைபெறவுள்ளது. இறுதி கட்ட வாக்குப் பதிவு ஏப்ரல் 29ஆம் தேதியும், வாக்கெண்ணிக்கை மே 2 ஆம் தேதியும் நடைபெறவுள்ளது.

அசாம்: 

அசாம் சட்டப்பேரவைத் தேர்தல் 3 கட்டங்களாக நடைபெறவுள்ளது. மொத்தம் 126 தொகுதிகளை கொண்ட அசாமில், முதல்கட்டமாக 27ஆம் தேதி 47 தொகுதிகளுக்கு வாக்குப்பதிவு நடைபெறவுள்ளது. இறுதி கட்ட வாக்குப் பதிவு ஏப்ரல் 6ஆம் தேதியும், வாக்கெண்ணிக்கை மே 2 ஆம் தேதியும் நடைபெறவுள்ளது.

இந்த 2 மாநிலங்களுக்கான தேர்தல் பிரசாரத்தில் பாஜகவின் மோடி, அமித் ஷா, யோகி ஆதித்யநாத், நட்டா, சிவராஜ் செளகான் மற்றும் காங்கிரஸின் ராகுல் காந்தி, பிரியங்கா காந்தி உள்ளிட்ட தேசிய தலைவர்கள் தீவிர பிரசாரத்தில் ஈடுபட்டனர்.

இந்நிலையில், இன்று மாலை 6 மணியுடன் பிரசாரம் நிறைவு பெற்றது. 

மேலும், இதற்கு மேல் யாரும் கருத்துக் கணிப்பு வெளியிடக்கூடாது என தேர்தல் ஆணையம் உத்தரவிட்டுள்ளது.