பேசும் படங்கள்: செய்திகள் - படங்களில், பிப். 20, 2020

புது தில்லியில் முனீர்கா பகுதியில் ஐந்து மாடிக் கட்டடமொன்று ஒருபக்கமாகச் சாயத் தொடங்கியதையடுத்து, இந்தப் பகுதியைத் தங்கள் கட்டுப்பாட்டுக்குள் கொண்டுவந்து மக்கள் புழங்கத் தடையும் விதித்துள்ளனர் காவல்துறையினர்.

சௌதி அரேபியாவில் ரியாத் நகரில் இளவரசி ரீமா மாளிகையில் சௌதி பெண் தலைவர்களுடன் பேச்சுவார்த்தை தொடங்குவதற்கு முன் புகைப்படத்துக்காக நிற்கும் அமெரிக்க வெளியுறவுத் துறை அமைச்சர் மைக் பாம்பியோ (வலமிருந்து நாலாவது) மற்றும் அமெரிக்காவுக்கான சௌதி தூதர் இலவரசி ரீமா பிந்த் பந்தர். 

ஆக்ராவில் அமெரிக்க அதிபர் டொனால்ட் டிரம்ப் வருகைக்காகத் தயாராகிறது தாஜ் மஹால். நீரூற்றுப் பகுதியைச் சுத்தம் செய்யும் தொழிலாளர்கள்.

சீனாவில் ஹூபெ மாகாணத்திலுள்ள வூஹானில் கண்காட்சிக் கூடமாக இருந்து தற்காலிக மருத்துவமனையாக மாற்றப்பட்ட அரங்கில் படுக்கைகளில் கரோனா வைரஸ் பாதித்த நோயாளிகள்.

தென் கொரியாவில் தேகு நகரில் கரோனா வைரஸ் பாதித்த நோயாளி ஒருவரை ஆம்புலன்ஸிலிருந்து யுங்பூக் தேசிய பல்கலைக்கழக மருத்துவமனைக்குள் கொண்டு செல்லும் பாதுகாப்புக் கவசமணிந்த மருத்துவப் பணியாளர்கள்.

ஜப்பானில் டோக்கியோ அருகே யோகோஹாமா துறைமுகத்தில் கரோனா வைரஸ் அச்சம் காரணமாகத் தடுத்துத் தனிமைப்படுத்தி வைக்கப்பட்டுள்ள டயமண்ட் பிரின்சஸ் கப்பலிலிருந்து அழைத்துச் செல்லப்படும் பயணி ஒருவர்.

ஜப்பான் தலைநகர் டோக்கியோவில் சுவோ பகுதியில் காலை நேரத்தில் முகக் கவசம் அணிந்தபடி பணிக்குச் செல்லும் மக்கள். கரோனா வைரஸால் உலகம் முழுவதும் 75 ஆயிரம் பேர் பாதிக்கப்பட்டுள்ளனர். இவர்களில் சீனாவுக்கு வெளியே ஆயிரத்துக்கும் அதிகமானோர் பாதிக்கப்பட்டுள்ளனர். ஜப்பான் கடலோரத்தில் நிறுத்தப்பட்டுள்ள டயமண்ட் பிரின்சஸ் கப்பலில் வந்த பலரும் பாதிக்கப்பட்டு சிகிச்சை பெற்று வருகின்றனர்.