பேசும் படங்கள்: செய்திகள் - படங்களில், ஜன. 31, 2020

புது தில்லியில் மத்திய நிதி நிலை அறிக்கைக் கூட்டத் தொடரின் தொடக்க நாளான வெள்ளிக்கிழமை நாடாளுமன்றத்துக்கு வரும் குடியரசுத் தலைவர் ராம்நாத் கோவிந்த், துணைத் தலைவர் வெங்கய்ய நாயுடு, பிரதமர் நரேந்திர மோடி, மக்களவைத் தலைவர் ஓம் பிர்லா.

குடியுரிமைத் திருத்தச் சட்டத்துக்கு எதிர்ப்புத் தெரிவித்து நாடாளுமன்றத்துக்கு வெளியே வெள்ளிக்கிழமை காங்கிரஸ் தலைவர் சோனியா காந்தி தலைமையில் ஆர்ப்பாட்டம் நடத்திய எதிர்க்கட்சி எம்.பி.க்கள்.

ஊதிய உயர்வு உள்ளிட்ட கோரிக்கைகளை வலியுறுத்தி, வங்கி ஊழியர்கள் இரு நாள் வேலைநிறுத்தத்தில் இறங்கியதைத் தொடர்ந்து, பாட்னாவில் மூடிக் கிடக்கும் வங்கிக் கிளை.

கரோனாவால் பாதிக்கப்பட்ட மத்திய சீனாவிலுள்ள வூஹானில் டியான்ஹே பன்னாட்டு விமான நிலையத்தில் கரோனா வைரஸ் பாதுகாப்புக் கவச உடைகள் இறக்கப்படுகின்றன.

ஹரியாணாவில் மனேசரில் சீனாவில் கரோனா பாதித்த பகுதியான வூஹானிலிருந்து அழைத்து வரப்படும் 300 மாணவர்களுக்காக ராணுவத்தினர் அமைத்துள்ள தனிமைப்படுத்தப்பட்ட மருத்துவமனைப் பகுதி.

சீனாவிலிருந்து அண்மையில் நாடு திரும்பிய இளைஞர் ஒருவர், பெங்களூருவில் ராஜிவ் காந்தி நெஞ்சக நோய்கள் மருத்துவமனையில்  கரோனா வைரஸ் நோய்த் தொற்று பற்றிய அச்சத்தில் பரிசோதனைக்காக வந்து காத்திருக்கிறார்.

மகாராஷ்டிரத்தில் தாணேயில் மெட்ரோ ரயில் தடத்துக்காக வெட்டப்பட்ட ஒரு மரத்திலிருந்த பறவைக் கூட்டைக் குஞ்சுகளுடன் பத்திரமாக அப்புறப்படுத்தி வேறோர் இடத்தில் வைக்க எடுத்துச் செல்கிறார் ஊழியர் ஒருவர். இங்கே வெட்டப்படும் மரங்களில் இருக்கும் கூடுகள் அனைத்துமே பத்திரமாக மாற்றிடங்களில் வைக்கப்படுகின்றன.