சன் டிவியில் ஒளிபரப்பாகும் தொடர்கள் எப்போதும் டிஆர்பியில் முதல் ஐந்து இடத்தை பிடித்துவிடுகின்றன. இத்தொடர்களை பார்ப்பதற்கென்றே தனி ரசிகர்கள் கூட்டம் உள்ளது.
சஞ்சீவ் மற்றும் ஸ்ருதி ராஜ் இணைந்து நடிக்கும் புதிய தொடர் சன் டிவியில் ஒளிபரப்பாகவுள்ளது. இத்தொடருக்கு லட்சுமி எனப் பெயரிடப்பட்டுள்ளது. இத்தொடரில் நடிகை நித்யா, நேஹா மேனன் உள்ளிட்டோர் பிரதான வேடங்களில் நடிக்கிறார்கள்.
இந்த நிலையில், புதிய தொடரான லட்சுமி தொடர் வரும் திங்கள்கிழமை(மார்ச். 18) முதல் பிற்பகல் 2.30 மணிக்கு ஒளிபரப்பாகவுள்ளது. இதனால் சில தொடர்களின் ஒளிபரப்பு நேரம் மாற்றியமைக்கப்பட்டுள்ளது.
அதன்படி, அருவித் தொடர் நண்பகல் 12 மணிக்கு ஒளிபரப்பாக உள்ளதாகவும், மீனா தொடர் முற்பகல் 11 மணிக்கு ஒளிபரப்பாக உள்ளதாகவும் தகவல் வெளியாகியுள்ளது.