தங்கம் விலை பவுனுக்கு ரூ.280 உயா்ந்து ரூ.50,000-க்கு விற்பனை!

சென்னையில் ஆபரணத் தங்கத்தின் விலை பவுனுக்கு ரூ.280 உயா்ந்து ரூ. 50,000-க்கு விற்பனையாகிறது.

தொடர்ந்து அதிகரித்து வரும் தங்கம் விலை, கடந்த வாரம் ரூ. 50,000-ஐ நெருங்கி மக்களுக்கு அதிர்ச்சி அளித்தது. இருப்பினும், கடந்த சில நாள்களாக தங்கத்தின் விலை ஏற்ற இறக்கத்துடன் காணப்பட்டு வந்தது.

இந்த நிலையில், திங்கள்கிழமை சென்னையில் ஆபரணத் தங்கத்தின் விலை பவுனுக்கு ரூ.160 உயா்ந்து ரூ.49,640-க்கு விற்பனையானது.

வெள்ளி விலை கிராமுக்கு 30 காசு உயா்ந்து ரூ.80.80-க்கும், ஒரு கிலோ (கட்டி வெள்ளி) ரூ.300 உயா்ந்து ரூ.80,800-க்கும் விற்பனையானது.

செவ்வாய்க்கிழமை சற்று குறைந்து ஒரு பவுனுக்கு ரூ. 49,600-க்கு விற்பனையானது. புதன்கிழமை கிராமுக்கு ரூ.15 உயா்ந்து ரூ. 6,215-க்கும், பவுனுக்கு ரூ.120 உயா்ந்து ரூ. 49,720-க்கும் விற்பனையானது.

வெள்ளி விலை கிராமுக்கு 30 காசுகள் குறைந்து ரூ.80.20-க்கும், ஒரு கிலோ (கட்டி வெள்ளி) ரூ.300 குறைந்து ரூ.80,200-க்கும் விற்பனையானது.

இந்த நிலையில், வியாழக்கிழமை சென்னையில் ஆபரணத் தங்கத்தின் விலை பவுனுக்கு ரூ.280 உயா்ந்து ரூ. 50,000-க்கு விற்பனையாகிறது.

தங்கம் கிராமுக்கு ரூ.35 உயா்ந்து ரூ. 6,250-க்கும், பவுனுக்கு ரூ.280 உயா்ந்து ரூ.50,000-க்கும் விற்பனையாகிறது.

வெள்ளி விலை புதன்கிழமை கிராமுக்கு 30 காசுகள் குறைந்து ரூ.80.20-க்கும், ஒரு கிலோ (கட்டி வெள்ளி) ரூ.300 குறைந்து ரூ.80,200-க்கும் விற்பனையானது.

இந்த நிலையில், வியாழக்கிழமை 30 காசுகள் உயர்ந்து ரூ.80.50-க்கும், ஒரு கிலோ (கட்டி வெள்ளி) ரூ.300 உயர்ந்து ரூ.80,500-க்கும் விற்பனையாகிறது.