செய்தி மடல்
இ-பேப்பர்
பாகிஸ்தானில் ஹோலி பண்டிகை கொண்டாட்டம்!
பாகிஸ்தான் நாட்டில் ஹோலி பண்டிகை கொண்டாடப்பட்டதைப் பற்றி...
கோப்புப் படம்
பாகிஸ்தான் நாட்டின் இந்து மக்களினால் ஹோலி பண்டிகை கடூம் பாதுகாப்புடன் கொண்டாடப்பட்டதாகத் தெரிவிக்கப்பட்டுள்ளது.
பாகிஸ்தானின் சிறுபான்மையினரின் வழிபாட்டு தளங்களை பராமரிக்கும் எவாக்யூ டிரஸ்ட் பிராப்பர்டி போர்ட் (இடிபிபி) எனும் அமைப்பின் சார்பில் நேற்று (மார்ச் 13) மாலை ஹோலி கொண்டாட்ட நிகழ்ச்சிகள் நடத்தப்பட்டது.
இதனைத் தொடர்ந்து, ஹோலி கொண்டாட்டங்களுக்காக லாஹூரிலுள்ள கிருஷ்ணர் கோயில் முழுவதும் வண்ண விளக்குகளால் அலங்கரிக்கப்பட்டு வழிபாடுகள் நடத்தப்பட்டதுடன், பாரம்பரிய உணவுகளும் இனிப்புகளும் விருந்தினர்களுக்கு வழங்கப்பட்டதாகக் கூறப்படுகின்றது.
இத்துடன், அங்குள்ள பெண்கள் இணைந்து ஹிந்தி பாடல்களுக்கு நடனமாடி நடன நிகழ்ச்சி நடத்தியதுடன், தங்களது பண்டிகையை கேக் வெட்டி கொண்டாடியுள்ளனர்.
மேலும், அந்நாட்டில் ஹோலி கொண்டாட்ட நிகழ்ச்சிகள் அனைத்தும் பாதுகாப்புப் படையினரின் கண்காணிப்பில் பயங்கர பாதுகாப்புடன் நடைபெறுவதாகத் தெரிவிக்கப்பட்டுள்ளது.
இதுகுறித்து, எவாக்யூ டிரஸ்ட் பிராப்பர்டி போர்ட் (இடிபிபி) அமைப்பின் துணை செயலாளரான சைஃபுல்லா கோக்கர், ஹோலி பண்டிகையை முன்னிட்டு பாகிஸ்தானிலுள்ள மற்ற இந்து கோயில்களிலும் சிறப்பு வழிபாடுகள் மற்றும் கூட்டங்கள் நடைபெற்றதாகக் குறிப்பிட்டுள்ளார்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.