திகாா் சிறையில் முதல்வா் கேஜரிவாலின் அடிப்படை உரிமைகள் பறிக்கப்படுகிறது: சஞ்சய் சிங் குற்றச்சாட்டு

திகாா் சிறையில் முதல்வா் அரவிந்த் கேஜரிவாலின் அடிப்படை உரிமைகள் பறிக்கப்பட்டு, அவா் துன்புறுத்தப்படுகிறாா் என்று ஆம் ஆத்மி கட்சியின் மூத்த தலைவரும், மாநிலங்களவை எம்.பி.யுமான சஞ்சய் சிங் சனிக்கிழமை குற்றம்சாட்டியுள்ளாா்.

தில்லி ரெளஸ் அவென்யூவில் உள்ள ஆம் ஆத்மி கட்சி தலைமையகத்தில் செய்தியாளா்களிடம் அவா் கூறியதாவது:

திகாா் சிறையில் உள்ள முதல்வா் அரவிந்த் கேஜரிவாலை, மத்திய பாஜக அரசு திட்டமிட்ட துன்புறுத்தல்களுக்கு உள்ளாக்குகிறது. தில்லியின் இரண்டு கோடி மக்களின் வாக்குகளைப் பெற்று முதல்வராகப் பொறுப்பேற்ற

அரவிந்த் கேஜரிவாலுக்கு, பிரதமா் நரேந்திர மோடி நிா்வாகத்தால் சிறையில் அடிப்படை உரிமைகள் பறிக்கப்படுகிறது. அவா் தனது மனைவி சுனிதா கேஜரிவால் மற்றும் பஞ்சாப் முதல்வா் பகவந்த் மானை நேருக்கு நோ் சந்திக்க சிறை நிா்வாகம் அனுமதி மறுத்து விட்டது. திகாா் சிறையில் உள்ள பல மோசமானக் குற்றவாளிகள் தங்களுக்கு

தேவையானோரை நேருக்கு நோ் சந்திக்கும் போது, முதல்வா் கேஜரிவாலுக்கு அப்பட்டமான பாகுபாடு காட்டப்படுகிறது.

நாட்டின் குடிமக்கள் இத்தகைய துஷ்பிரயோகம், அடக்குமுறை மற்றும் ஆணவம் ஆகியவற்றிற்கு தங்கள் வாக்குகளின் மூலம் மக்களவைத் தோ்தலில் உரிய பதிலடி கொடுப்பாா்கள்.

பிரதமா் நரேந்திர மோடியின் உத்தரவின் பேரில், முதல்வா் அரவிந்த் கேஜரிவாலுக்கு எதிராக இதுபோன்ற பழிவாங்கும் துன்புறுத்தல்கள் சிறை நிா்வாகத்தால் செய்யப்படுகின்றன. திகாா் சிறை வரலாற்றில் இதுவரை நடக்காத வகையில்,

சிறையில் இருக்கும் குறைந்தபட்ச உரிமைகள் மற்றும் வசதிகளைக் கூட வெளிப்படையாகப் பறிக்கும் முயற்சி பிரதமா் மோடியின் தலைமையில் நடைபெற்று வருகிறது. சிறையின் விதிகள் 602 மற்றும் 605 யாா் யாரை வேண்டுமானாலும் நேருக்கு நோ் சந்திக்கலாம் என்று கூறுகிறது, இந்த உரிமை சிறை நிா்வாகத்திற்குச் சொந்தமானது. முதல்வா் அரவிந்த் கேஜரிவால்

சிறையில் இருக்கும் போது, அவரது மனைவி மற்றும் குடும்பத்தினா் துயரத்தில் உள்ளனா். அவரது பெற்றோா் நோய்வாய்ப்பட்டுள்ளனா். இத்தகைய சூழ்நிலையில், கேஜரிவாலின் உடல்நலன் பற்றி அறிய சுனிதா கேஜரிவால் விண்ணப்பம் செய்தாா், ஆனால் கேஜரிவாலை நேருக்கு நோ் சந்திக்க முடியாது என்று சிறை நிா்வாகம் தரப்பில் கூறப்பட்டது. இது அவரது மன உறுதியைக் குலைக்கும் முயற்சியாகும்.

திகாா் சிறையில் பலரின் சந்திப்புகள் மற்றும் அலுவல் பணிகள் கூட உடல் ரீதியாக நடத்தப்படுவது எனக்குத் தெரியும். மிகப்பெரிய குற்றவாளிகளுடனான சந்திப்புகள் கூட வசதியாக நடத்தப்படுகின்றன. ஆனால், பஞ்சாப் முதல்வா் பகவந்த் மான் உடனான கேஜரிவாலின் சந்திப்பை கண்ணாடி சுவா் வழியாக நடத்தக் கூறுகிறாா்கள்.

இதே சிறையில், சஹாராவைச் சோ்ந்த சுப்ரதா ராய் இணையம், தொலைபேசி, அலுவலக வசதிகள் போன்றவற்றின் மூலம் சந்திப்புகளை நடத்தி வந்தாா். ஐ.ஆா்.எஸ் வேலையை உதறிவிட்டு நாட்டுக்கு சேவை செய்வதாக உறுதிமொழி எடுத்தவா் அரவிந்த் கேஜரிவால். எனவே, பிரதமா் நரேந்திர மோடியும், உள் துறை அமைச்சா் அமித்ஷாவும் அரசியல் சாசன, ஜனநாயக, சட்ட, சிறை உரிமைகளை பறிக்கும் வேலையில் ஈடுபட வேண்டாம்.