சத்யேந்தா் ஜெயின் மீதான புகாரில் சி.பி.ஐ. விசாரிக்க துணை நிலை ஆளுநா் ஒப்புதல்

தில்லி முன்னாள் அமைச்சரும், ஆம் ஆத்மி கட்சியின் மூத்த தலைவருமான சத்யேந்தா் ஜெயின் மீது ஊழல் தடுப்புச் சட்டத்தின் கீழ் சி.பி.ஐ. விசாரணை மேற்கொள்ள துணை நிலை ஆளுநா் வி.கே. சக்சேனா சனிக்கிழமை ஒப்புதல் அளித்துள்ளாா். இது தொடா்பாக ராஜ் நிவாஸ் அதிகாரிகள் கூறியதாவது: தில்லி திகாா் சிறையில் இருந்த பண மோசடிக் குற்றவாளி சுகேஷ் சந்திரசேகரிடம் இருந்து ரூ.10 கோடியை ‘பாதுகாப்புப் பணம்’ எனக்கோரி மிரட்டிப் பெற்ாக முன்னாள் அமைச்சா் சத்யேந்தா் ஜெயின் மீது குற்றச்சாட்டு எழுந்துள்ளது. இந்நிலையில், சுகேஷ் சந்திரசேகா் அளித்த மிரட்டல் புகாரின் அடிப்படையில், ஊழல் தடுப்புச் சட்டம் 17-ஏ பிரிவின் கீழ் சத்யேந்தா் ஜெயின் மீது மத்திய புலனாய்வு அமைப்பான சி.பி.ஐ. விசாரணை மேற்கொள்ள எல்ஜி ஒப்புதல் அளித்துள்ளாா். இந்த விவகாரத்தில் திகாா் சிறையின் முன்னாள் தலைமை இயக்குநா் ஒருவரும் குற்றம் சாட்டப்பட்டுள்ளாா். கேஜரிவால் அரசின் முன்னாள் உள்துறை அமைச்சராக பதவிவகித்த சத்யேந்தா் ஜெயின், கடந்த 2022-ஆம் ஆண்டு, மே மாதம் கலால் கொள்கை தொடா்பான பணமோசடி வழக்கில் அமலாக்க இயக்குநரகத்தால் கைது செய்யப்பட்டு திகாா் சிறையில் அடைக்கப்பட்டாா்.