திரிசூலஸ்நானத்துடன் பிரம்மோற்சவம் நிறைவு

திருப்பதி கபிலேஸ்வரா் கோயில் வருடாந்திர மகா சிவராத்திரி பிரம்மோற்சவம் திரிசூலஸ்நானத்துடன் சனிக்கிழமை நிறைவடைந்தது.

திருப்பதி அலிபிரியில் உள்ள கபிலேஸ்வர சுவாமி கோயிலில் கடந்த 10 நாள்களாக நடந்து வந்த மகா சிவராத்திரி வருடாந்திர பிரம்மோற்சவம் சனிக்கிழமை காலை திரிசூலஸ்நானத்துடன் நிறைவு பெற்றது. முன்னதாக காலையில் அபிஷேக சேவைக்கு பிறகு சூரிய பிரபை வாகனத்தில் நடராஜா் மண்டபத்தில் எழுந்தருளினாா். உற்சவமூா்த்தியுடன் காமாட்சி அம்மனும் எழுந்தருள செய்யப்பட்டாா். அவா்களுக்கு அா்ச்சகா்கள் ஆஸ்தானம் நடத்தி தீப, தூப நெய்வேத்தியம் சமா்ப்பித்து கற்பூர ஆரத்தி அளித்தனா்.

அதன்பிறகு கபிலேஸ்வர சுவாமி மற்றும் காமாட்சி அம்மனின் ஆயுதமாக விளங்கும் திரிசூலத்துக்கு பால், தயிா், இளநீா், பழங்கள், பஞ்சாமிா்தம், தேன், நெய், வீபூதி, மஞ்சள், குங்குமம், சந்தனம், பன்னீா் உள்ளிட்ட பொருள்களால் ஸ்நபன திருமஞ்சனம் நடத்தப்பட்டது.

அதன் பிறகு திரிசூலத்தை சாந்தி செய்ய அண்டாவில் நீா் நிரப்பி அதில் திரிசூலத்துக்கு அா்ச்சகா்கள் ஸ்நானம் செய்வித்தனா். கரோனா விதிமுறைகளை பின்பற்றி திரிசூலஸ்நானம் தனிமையில் நடத்தப்பட்டது. பின்னா் மாலை 6 மணி முதல் 7 மணி வரை வருடாந்திர பிரம்மோற்சவம் நிறைவு பெற்ற்கு அடையாளமாக கொடிமரத்தில் ஏற்றப்பட்ட இடபக் கொடியிறக்கப்பட்டது.

பின்னா் இரவு 8 மணிக்கு கோயில் மண்டபத்தில் ராவணேசுர வாகனத்தில் சோமாஸ்கந்தமூா்த்தியாக கபிலேஸ்வரா் காமாட்சி அம்மனுடன் எழுந்தருளினாா். இதனுடன் பிரம்மோற்சவத்தின் வாகன சேவை நிறைவு பெற்றது. இதில் கோயில் அதிகாரிகள் கலந்து கொண்டனா். ஞாயிற்றுக்கிழமை முதல் பக்தா்கள் வழக்கமாக தரிசனத்துக்கு அனுமதிக்கப்பட உள்ளனா்.