20,000 சர்வதேச ரன்கள்: விராட் கோலி புதிய சாதனை!

மான்செஸ்டரில் நடைபெற்று வரும் இந்தியா - மேற்கிந்தியத் தீவுகள் அணிகளுக்கு எதிரான ஆட்டத்தில் டாஸ் வென்ற இந்திய கேப்டன் விராட் கோலி, பேட்டிங்கைத் தேர்வு செய்தார்.

இந்திய அணியில் மாற்றம் எதுவுமில்லை. இதனால் இன்றைக்கும் விஜய் சங்கர் 4-ம் நிலை வீரராகக் களமிறங்கவுள்ளார். மே.இ. அணியில் ஆஷ்லி நர்ஸ், எவின் லூயிஸுக்குப் பதிலாக சுனில் அம்ப்ரிஸ், ஃபெபியன் ஆலன் ஆகியோர் இடம்பெற்றுள்ளார்கள்.

இந்த ஆட்டத்தில் 37-வது ரன்னை எடுத்தபோது சர்வதேச கிரிக்கெட்டில் 20,000 ரன்களை எட்டினார் கோலி. இதன் மூலம் அவர் பல சாதனைகளைப் படைத்துள்ளார்.

* 20,000 சர்வதேச ரன்களை அதிவிரைவாக எடுத்துள்ள வீரர். இந்த இலக்கை எட்டிய 12-வது வீரர். இந்த இலக்கை எட்டியபோது 50 ரன்களைச் சராசரியாக வைத்திருந்த ஒரே வீரரும் கோலி தான். 

20,000 சர்வதேச ரன்கள்

417 இன்னிங்ஸ் - கோலி 
453 இன்னிங்ஸ் - சச்சின்  
453 இன்னிங்ஸ் - லாரா  
464 இன்னிங்ஸ் - பாண்டிங் 
483 இன்னிங்ஸ் - டி வில்லியர்ஸ்

விராட் கோலி - சர்வதேச ரன்கள்

முதல் 10,000 ரன்கள் - 232 இன்னிங்ஸ்
அடுத்த 10,000 ரன்கள் - 185 இன்னிங்ஸ்

* உலகக் கோப்பைப் போட்டியில் தொடர்ச்சியாக நான்கு அரை சதங்கள் எடுத்த முதல் இந்திய கேப்டன் விராட் கோலி.

* மேற்கிந்தியத் தீவுகள் அணிக்கு எதிராக கோலியின் கடைசி ஆறு இன்னிங்ஸ் - 111*, 140, 157*, 107, 16 & 72.