செய்தி மடல்
இ-பேப்பர்
/
அமெரிக்காவில் நடைபெறும் டி20 தொடர் மேஜர் லீக் கிரிக்கெட் எனப்படும் எம்.எல்.சி கடந்த ஆண்டில் இருந்து நடைபெற்று வருகிறது. இதில் மொத்தம் 6 அணிகள் விளையாடுகின்றன. சிஎஸ்கே அணி போல டிஎஸ்கே அணி, மும்பை இந்தியன்ஸ் போல மும்பை இந்தியன்ஸ் நியூ யார்க், லாஸ் ஏஞ்சல்ஸ் நைட் ரைடர்ஸ் அணிகளும் உள்ளன.
இதில் வாஷிங்டன் ஃபீரிடம் என்ற அணிக்கு ஸ்டீவ் ஸ்மித் கேப்டனாக செயல்பட்டு வருகிறார். இந்த அணி 5 போட்டிகளில் 4 வென்று (ஒரு ஆட்டம் நடைபெறாமல்) 9 புள்ளிகளுடன் முதல் அணியாக பிளே ஆஃப் சுற்றுக்கு தகுதி பெற்றுள்ளது.
ஐபிஎல் தொடரில் ஸ்டீவ் ஸ்மித் புறக்கணிக்கப்பட்டார். அத்துடன் டி20 உலகக் கோப்பைக்கான ஆஸ்திரேலிய அணியிலும் ஸ்மித் தேர்வாகவில்லை. இந்நிலையில் வாஷிங்டன் ஃபீரிடம் அணியில் சிறப்பாக விளையாடி வருகிறார். கேப்டனாகவும் அற்புதமாக செயல்பட்டு வரும் ஸ்மித் கேட்ச், ரன் அவுட், சிக்ஸர்கள் அடிப்பது என அனைத்து துறைகளிலும் கலக்கி வருகிறார்.
பௌலராக தொடங்கி டெஸ்டின் தலைசிறந்த பேட்டர் என்ற புகழுக்கு உயர்ந்துள்ள ஸ்டீவ் ஸ்மித் டி20 போட்டிகளில் தொடர்ந்து புறக்கணிக்கப்பட்டு வருகிறார். பிபிஎல் போட்டிகளிலும் ஸ்மித் அதிரடியாக விளையாடி வருவதும் குறிப்பிடத்தக்கது.
பிபிஎல் போட்டிகளில் 31 இன்னிங்ஸில் 1026 ரன்கள், 142 ஸ்டிரைக் ரேட்டுடன் விளையாடுகிறார். எம்.எல்.சியில் இந்தாண்டு மட்டும் 5 போட்டிகளில் 134 ரன்கள், ஸ்டிரைக் ரேட் 134, சராசரி 67 ஆக இருக்கிறது குறிப்பிடத்தக்கது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
