ஆஸ்திரேலியாவுக்கு எதிரான ஒருநாள் போட்டி: இங்கிலாந்து பேட்டிங்!

ஆஸ்திரேலியாவுக்கு எதிரான முதலாவது ஒருநாள் போட்டியில் இங்கிலாந்து அணி பேட்டிங்கை தேர்வு செய்துள்ளது.

இங்கிலாந்தில் சுற்றுப்பயணம் மேற்கொண்டுள்ள ஆஸ்திரேலிய அணி 3 டி20 போட்டிகள் கொண்ட தொடர்களில் விளையாடியது. 1-1 என்ற கணக்கில் டி20 தொடர் சமனில் முடிந்தது. இந்த நிலையில் 5 போட்டிகள் கொண்ட ஒருநாள் தொடரிலும் ஆஸ்திரேலிய அணி விளையாடுகிறது.

டாஸ்

இவ்விரு அணிகள் விளையாடும் முதலாவது ஒருநாள் போட்டி இங்கிலாந்தின் ட்ரெண்ட் பிரிட்ஜ் மைதானத்தில் வியாழக்கிழமை தொடங்கியது. முதலில் டாஸ் வென்ற இங்கிலாந்து அணியின் கேப்டன் ஹாரி புரூக் பேட்டிங் செய்வதாக அறிவித்தார்.

தொடக்க ஆட்டக்காரர்களாக களமிறங்கிய பில் சால்ட் மற்றும் பென் டக்கெட் அதிரடியாக ஆடி ரன் குவித்து வருகின்றனர்.

இங்கிலாந்து அணி 7 ஓவர்களில் விக்கெட் இழப்பின்றி 46 ரன்கள் சேர்த்துள்ளது.

இங்கிலாந்து அணி: 

ஹாரி புரூக் (கேப்டன்), லியாம் லிவிங்ஸ்டன், ஜேமி ஸ்மித், ஜோஃப்ரா ஆர்ச்சர், அடில் ரஷித், பில் சால்ட், வில் ஜாக்ஸ், பென் டக்கெட், ஜேக்கப் பெத்தேல், பிரைடன் கார்ஸ், மேத்யூஸ் பாட்ஸ்

ஆஸ்திரேலியா அணி :

டிராவிஸ் ஹெட், மிட்செல் மார்ஷ்(கேப்டன்), ஸ்டீவ் ஸ்மித், கேமரூன் கிரீன், மார்னஸ் லாபுசானே, அலெக்ஸ் கேரி, மேத்யூ ஷார்ட், அரோன் ஹார்டி, சீன் அபார்ட், பென் டுவார்சுயஸ்