சிட்னி சிக்ஸர்ஸ் வெற்றி: ஆட்ட நாயகனாக ஸ்மித் தேர்வு!

பிபிஎல் தொடரில் சிட்னி சிக்ஸர்ஸ் அணி 14 ரன்கள் வித்தியாசத்தில் வெற்றி பெற்றது.

பார்டர் -கவாஸ்கர் தொடர் வெற்றிக்குப் பிறகு சிட்னி சிக்ஸர் அணிக்காக ஸ்டீவ் ஸ்மித் பிபிஎல் டி20 தொடரில் இன்று (ஜன.11) களமிறங்கினார்.

இந்தப் போட்டியில் ஸ்மித் சதமடித்து அசத்தினார். முதலில் பேட்டிங் செய்த சிட்னி சிக்ஸர்ஸ் அணி நிர்ணயிக்கப்பட்ட 20 ஓவர் முடிவில் 222/3 ரன்கள் குவித்தது.

அடுத்து விளையாடிய பெர்த் ஸ்கார்செர்ஸ் 20 ஓவர்களில் 206/7 ரன்கள் மட்டுமே எடுத்து 14 ரன்கள் வித்தியாசத்தில் தோல்வியுற்றது.

பெர்த் ஸ்கார்செர்ஸ் அணியில் அதிகபட்சமாக கேப்டன் அஸ்டன் ஏகர் 66 ரன்களும் சாம் ஃபேனிக் 41 ரன்களும் எடுத்தார்கள்.

சிட்னி சிக்ஸர்ஸ் அணி சார்பில் ஷான் அப்பாட் 4 விக்கெட்டுகளை கைப்பற்றி அசத்தினார்கள். டவார்ஷீஸ், கெர், ஹென்ரிக்ஸ் தலா 1 விக்கெட்டும் எடுத்தார்கள்.

இந்த வெற்றியின் மூலம் சிட்னி சிக்ஸர்ஸ் அணி 11 புள்ளிகளுடன் புள்ளிப் பட்டியலில் முதலிடம் பிடித்துள்ளது.

121* ரன்கள் எடுத்த ஸ்டீவ் ஸ்மித் ஆட்ட நாயகனாக தேர்வு செய்யப்பட்டார். கடந்த 8 இன்னிங்ஸில் ஸ்டீவ் ஸ்மித் 3 பிபிஎல் சதங்கள் அடித்துள்ளது குறிப்பிடத்தக்கது.