3 புள்ளிகளைக் கைப்பற்றியது உத்தர பிரதேசம்: தமிழ்நாடு அணியுடனான ஆட்டம் "டிரா'

ரஞ்சி கோப்பை கிரிக்கெட்டில் தமிழ்நாடு - உத்தர பிரதேசம் மோதிய ஆட்டம் புதன்கிழமை டிராவில் முடிந்தது.

எனினும், முதல் இன்னிங்ஸில் முன்னிலை பெற்றதன் அடிப்படையில் உத்தர பிரதேசம் 3 புள்ளிகள் பெற்றது. தமிழ்நாடு அணிக்கு 1 புள்ளி கிடைத்தது.

கோவையில் கடந்த ஞாயிற்றுக்கிழமை தொடங்கிய ஆட்டத்தில் டாஸ் வென்று முதலில் பேட் செய்த தமிழ்நாடு, 136.3 ஓவர்களில் 455 ரன்களுக்கு ஆட்டமிழந்தது. பாபா இந்திரஜித் 11 பவுண்டரிகள், 5 சிக்ஸர்களுடன் 149, சி. ஆண்ட்ரே சித்தார்த் 12 பவுண்டரிகள், 2 சிக்ஸர்கள் உள்பட 121 ரன்கள் விளாசினர். உத்தர பிரதேச பெüலர்களில் கார்த்திக் யாதவ் 5 விக்கெட்டுகள் வீழ்த்தினார்.

அடுத்து தனது இன்னிங்ûஸ விளையாடிய உத்தர பிரதேசம், செவ்வாய்க்கிழமை ஆட்டநேர முடிவில் 6 விக்கெட்டுகள் இழப்புக்கு 339 ரன்கள் எடுத்திருந்தது. கடைசி நாளான புதன்கிழமை ஆட்டத்தை ரிங்கு சிங், ஷிவம் சர்மா தொடர்ந்தனர்.

இதில் சதம் கடந்து விளாசிய ரிங்கு சிங்கு, ஷிவம் சர்மாவுடன் இணைந்து 7-ஆவது விக்கெட்டுக்கு 53 ரன்கள் சேர்த்தார். ஷிவம் சர்மா 3 பவுண்டரிகளுடன் 22 ரன்களுக்கு ஆட்டமிழந்தார். அடுத்து வந்த கார்த்திக் யாதவுடன் கூட்டணி அமைத்த ரிங்கு சிங், 8-ஆவது விக்கெட்டுக்கு அவருடன் 59 ரன்கள் எடுத்தார்.

கார்த்திக் யாதவ் 4 பவுண்டரிகளுடன் 20 ரன்களுக்கு பெவிலியன் திரும்ப, ரிங்கு சிங் 17 பவுண்டரிகள், 6 சிக்ஸர்கள் உள்பட 176 ரன்களுக்கு விக்கெட்டை இழந்தார். கடைசி வீரராக குணால் தியாகி 5 ரன்களுக்கு வெளியேற, உத்தர பிரதேச இன்னிங்ஸ் 145.1 ஓவர்களில் 460 ரன்களுக்கு நிறைவடைந்தது. அந்த அணி முதல் இன்னிங்ஸில் 5 ரன்கள் முன்னிலை பெற்றது. தமிழ்நாடு தரப்பில் பி.வித்யுத் 4, சாய் கிஷோர் 3, சரவண குமார் 2, சோனு யாதவ் 1 விக்கெட் எடுத்தனர்.

இதையடுத்து 2-ஆவது இன்னிங்ஸை தொடங்கிய தமிழ்நாடு, ஆட்டநேர முடிவில் 21 ஓவர்களில் 2 விக்கெட்டுகள் இழப்புக்கு 103 ரன்கள் எடுத்தது.

பாலசுப்ரமணியம் சச்சின் 3 பவுண்டரிகள், 4 சிக்ஸர்களுடன் 59, நாராயண் ஜெகதீசன் 3 பவுண்டரிகள், 2 சிக்ஸர்களுடன் 44 ரன்களுக்கு ஆட்டமிழந்தனர். உத்தர பிரதேச தரப்பில் ஷிவம் சர்மா, அபிஷேக் கோஸ்வாமி ஆகியோர் தலா 1 விக்கெட் வீழ்த்தினர்.