ஐபிஎல் வரலாற்றில் இடம்பிடித்த கூப்பர் கானலி..! சாதனைப் பட்டியலில் 3 ஆஸ்திரேலிய வீரர்கள்!

ஆஸ்திரேலியாவைச் சேர்ந்த இளம் வீரர் கூப்பர் கானலி (22 வயது) பஞ்சாப் கிங்ஸ் அணிக்காக நேற்றிரவு (மார்ச். 31) களமிறங்கினார். பஞ்சாப் அணி தனது முதல் போட்டியில் 3 விக்கெட்டுகள் வித்தியாசத்தில் த்ரில் வெற்றி பெற்றது.

குஜராத் டைட்டன்ஸ் அணிக்கு எதிரான இந்தப் போட்டியில் 44 பந்துகளில் 72 ரன்கள் (5 சிக்ஸர்கள், 5 பவுண்டரிகள்) குவித்து ஆட்ட நாயகன் விருது வென்றார்.

ஐபிஎல் வரலாற்றில் தங்கள் முதல் போட்டியிலேயே அதிக ரன்கள் அடித்தவர்கள் பட்டியலில் கூப்பர் கானலியும் இணைந்துள்ளார். இந்த சாதனைப் பட்டியலில் மூன்று ஆஸ்திரேலிய வீரர்கள் இடம்பிடித்துள்ளார்கள்.

ஐபிஎல் வரலாற்றில் அறிமுகப் போட்டியில் அதிக ரன்கள் குவித்தவர்கள் பட்டியல்:

பிரெண்டன் மெக்கல்லம் - 158* (2008, கேகேஆர் அணி)

மைக்கல் ஹசி - 118* (2008, சிஎஸ்கே அணி)

ஷான் மார்ஷ் - 84* (2008, பஞ்சாப் அணி)

கைல் மேயர்ஸ் - 73 (2023, லக்னௌ அணி)

கூப்பர் கானலி - 72* (2026, பஞ்சாப் அணி)