மதுரையை வீழ்த்தியது சேப்பாக்

தமிழ்நாடு ப்ரீமியா் லீக் கிரிக்கெட் தொடரின் ஒரு பகுதியாக நடைபெற்ற 19ஆவது போட்டியில் மதுரை பேந்தா்ஸ் அணியை 39 ரன்கள் வித்தியாசத்தில் வீழ்த்தியது சேப்பாக் சூப்பா் கில்லீஸ்.

இரு அணிகளுக்கு இடையிலான ஆட்டம் திண்டுக்கலில் சனிக்கிழமை நடைபெற்றது. டாஸ் வென்ற மதுரை பௌலிங்கை தோ்வு செய்ய சேப்பாக் அணி நிா்ணயிக்கப்பட்ட 20 ஓவா்களில் 240/2 ரன்களை எடுத்தது. அந்த அணியில் மோகித் ஹரிஹரன் அபாரமாக ஆடி 50 பந்துகளில் 108 ரன்களை எடுத்தாா். ஜெகதீசன் 48 பந்துகளில் 79 ரன்களையும், ஸ்வப்நீல் சிங் 42 ரன்களுடன் களத்தில் இருந்தாா். பௌலிங்கில் மதுரை தரப்பில் பெரியசாமி 2/33 விக்கெட்டுகளை வீழ்த்தினாா்.

241 ரன்கள் எடுத்தால் வெற்றி என்ற கடின இலக்கோடு ஆடிய மதுரை பேந்தா்ஸ் அணி 20 ஓவா்களில் 201/8 ரன்களை மட்டுமே எடுத்தது.

அந்த அணியில் அறிமுக வீரா் ஹரி ராகவேந்திரா 55 பந்துகளில் 98 ரன்களை விளாசி இறுதிவரை களத்தில் நின்றாா். ராம்குமாா் 28 ரன்களை எடுத்தாா்.

பௌலிங்கில் சேப்பாக் தரப்பில் ஸ்வப்நில், பிரேம்குமாா் தலா 2 விக்கெட்டுகளை வீழ்த்தினா்.

இறுதியில் மதுரை அணியை 39 ரன்கள் வித்தியாசத்தில் வென்றது சேப்பாக்.